வாச்சாத்தி வழக்கில் உயர்நீதிமன்றம் அளித்த தீர்ப்பை வரவேற்று மார்க்சிஸ்ட் கம்யூனிஸ்ட் கட்சியின் மாநிலச் செயலாளர் கே.பாலகிருஷ்ணன் விடுத்துள்ள அறிக்கை
1992ஆம் ஆண்டு தர்மபுரி மாவட்டம், வாச்சாத்தி பழங் குடி மக்கள் சந்தன மரங்களை கடத்துவதாக கூறி வனத்துறையினர், காவல்துறையினர், வருவாய்த்துறையினர் உள்ளிட்டு 269 பேர் சட்டத்திற்கு புறம்பாக காட்டுமிராண்டித்தனமான தாக்குதலை தொடுத்து, அவர்களின் வீடுகளை நொறுக்கி, உடைமைகளை சூறையாடினர். குழந்தைகள் உட்பட பெண்களை பாலியல் வல்லுறவிற்கு உட்படுத்தினர். 183 பேர் மீது பொய் வழக்கு புனைந்து கைதுசெய்தனர்.
தோழர் ஏ.நல்லசிவன் தொடுத்த வழக்கு
நாட்டையே உலுக்கிய இந்த சம்பவத்தை அறிந்தவுடனேயே மார்க்சிஸ்ட் கம்யூனிஸ்ட் கட்சி மற்றும் தமிழ்நாடு மலைவாழ் மக்கள் சங்கம் பாலியல் வன்கொடுமைக்கும், பல்வேறு பாதிப்புகளுக்கும் ஆளாகி நிரா யுதபாணியாக நின்ற வாச்சாத்தி கிராம பழங்குடியின மக்களுக்கு நீதி கேட்டு வழக்கு தொடுத்தது. குற்றவாளிகள் மீது நடவடிக்கை எடுக்க வலியுறுத்தியும், பாதிக்கப்பட்டோருக்கு நிவாரணம் கோரி யும் மார்க்சிஸ்ட் கம்யூனிஸ்ட் கட்சியின் அன்றைய மாநிலச் செயலாளர் மறைந்த தோழர் ஏ. நல்லசிவன் உச்சநீதிமன்றத்தில் வழக்கு தொடுத்தார். அப்போதைய முதல்வர் ஜெயலலிதா, வனத்துறை அமைச்சர் செங்கோட்டையன் உள்ளிட் டோர் நடந்த குற்றத்தை மூடி மறைக்கவே முயற்சித்தனர். அதையும் எதிர்த்துத் தான் மார்க்சிஸ்ட் கம்யூனிஸ்ட் கட்சியும், தமிழ்நாடு மலைவாழ் மக்கள் சங்கமும் நீண்ட, நெடிய சட்டப்போராட்டங்களை நடத்தினோம். இதன் விளைவாக, 2011ம் ஆண்டு தர்மபுரி மாவட்ட முதன்மை அமர்வு நீதிமன்றம், குற்றம்சாட்டப்பட்ட 269 பேரும் குற்றவாளிகள் என்றும், அன்றைக்கு உயிருடன் இருந்த 215 பேரில் 12 பேருக்கு 10 ஆண்டு சிறை, 5 பேருக்கு 7 ஆண்டு சிறை, மற்றவர்களுக்கு 1 முதல் 3 ஆண்டு கள் வரை சிறை தண்டனை என வர லாற்றுச் சிறப்புமிக்க தீர்ப்பை வழங்கியது.
இந்நிலையில் தண்டனையை எதிர்த்து குற்றவாளிகள் தரப்பில் சென்னை உயர் நீதிமன்றத்தில் மேல்முறையீடு செய்யப்பட்டது. இந்த வழக்கை விசாரித்த நீதியரசர் திருமிகு பி. வேல்முருகன் அவர் கள், கொடூரமான அடக்குமுறை நடை பெற்ற வாச்சாத்தி கிராமத்திற்கே நேரில் சென்று பார்வையிட்டு, விசாரணை நடத்தி செப்டம்பர் 29 அன்று 2011ம் ஆண்டு தர்மபுரி மாவட்ட முதன்மை அமர்வு நீதிமன்றம் விதித்த தீர்ப்பை உறுதி செய்து தீர்ப்பளித்துள்ளதுடன், குற்றவாளிகள் தரப்பில் தாக்கல் செய்யப்பட்டுள்ள மனுக் களை தள்ளுபடி செய்து உத்தரவிட்டுள்ளார். அத்துடன் பாலியல் வன்முறைக்கு ஆளாகி யுள்ள பெண்களுக்கு மாவட்ட நீதிமன்றம் வழங்கிய இழப்பீட்டுத் தொகையை 10 லட்சமாக உயர்த்தி வழங்கியதோடு ரூ. 5 லட்சத்தை குற்றமிழைத்த குற்றவாளிகளி டமிருந்து வசூலித்து அளிக்க வேண்டு மெனவும் - மேலும், பாதிக்கப்பட்ட அனை வருக்கும் அரசு வேலையோ அல்லது சுயதொழிலுக்கான ஏற்பாடுகளோ வழங்கிட வேண்டுமெனவும், வாச்சாத்தி சம்ப வத்தில் குற்றம் சாட்டப்பட்ட அனைவர் மீதும் நடவடிக்கை எடுக்க வேண்டுமென வும், அப்போதைய மாவட்ட ஆட்சியர் தச ரதன் ஐ.ஏ.எஸ்., மாவட்ட காவல் கண்கா ணிப்பாளர் ராமானுஜம் ஐ.பி.எஸ்., மாவட்ட வன அதிகாரி எல்.நாதன் ஐ.எப்.எஸ். உட்பட்டோர் மீதான புகார்களின் மீது உரிய நடவடிக்கை எடுக்காததால் அவர்கள் மீது தமிழக அரசு உரிய நடவடிக்கை எடுக்க வேண்டுமெனவும், வாச்சாத்தி கிராமத்தை முன்னேற்றுவதற்கான மேம்பாட்டு பணி களை அரசு மேற்கொள்ள வேண்டு மெனவும் தீர்ப்பளித்துள்ளார்.
31 ஆண்டுகால விடாப்பிடியான போராட்டம்
சென்னை உயர்நீதிமன்றத்தின் இந்த தீர்ப்பை மார்க்சிஸ்ட் கம்யூனிஸ்ட் கட்சி மனதார வரவேற்கிறது. 31 ஆண்டுகால மாக நியாயத்திற்காக விடாப்பிடியாக போராடிய வாச்சாத்தி கிராம மக்களுக்கும், அவர்களுக்கு உறுதுணையாக நின்று போராடிய தமிழ்நாடு மலைவாழ் மக்கள் சங்கத்திற்கும், தமிழ்நாடு விவசாயிகள் சங்கத்திற்கும், அனைத்திந்திய ஜனநாயக மாதர் சங்கத்திற்கும், அரசு போக்குவரத்து ஊழியர் சம்மேளனத்திற்கும் (சிஐடியு), சிறப்பாக வழக்காடிய மூத்த வழக்கறி ஞர்கள் என்.ஜி.ஆர். பிரசாத், ஆர். வைகை மற்றும் தோழர்கள் ஜி. சம்கிராஜ், கே. இளங்கோ உள்ளிட்ட வழக்கறிஞர் களுக்கும், இப்போராட்டத்தை தலைமை யேற்று நடத்திய சிபிஐ (எம்) மத்தியக்குழு உறுப்பினர் பெ. சண்முகம், பி. டில்லிபாபு, தர்மபுரி மாவட்ட தோழர்கள், அரூர் வட்ட தோழர்கள் உள்ளிட்ட அனைத்து தோழர் களுக்கும் மார்க்சிஸ்ட் கம்யூனிஸ்ட் கட்சி தனது பாராட்டுதலை தெரிவித்துக்கொள்கிறது. உயர்நீதிமன்றம் அறிவித்துள்ள தீர்ப்பி னை உடனடியாக அமலாக்கிட வேண்டு மெனவும், பாதிக்கப்பட்ட பெண்களுக்கு தலா ரூ. 10 லட்சம் நிவாரணத் தொகையை யும், அரசு வேலையும் வழங்கிடுவதோடு, ஏற்கனவே நிலுவையில் உள்ள நிவாரணத் தொகையையும் வழங்கிட வேண்டுமென மார்க்சிஸ்ட் கம்யூனிஸ்ட் கட்சி தமிழ்நாடு அரசை வலியுறுத்துகிறது. ஒடுக்கப்பட்ட எளிய மக்களை என்ன வேண்டுமானாலும் செய்யலாம் என்ற அதி கார வர்க்கத்தின் ஆணவப் போக்கிற்கு இது ஒரு பலத்த அடி என்பதை மார்க்சிஸ்ட் கம்யூனிஸ்ட் கட்சி சுட்டிக்காட்டுகிறது.