கொச்சி, ஏப்.27- சுவர் நிறைய படங்கள், நிறைய பொம்மைகள், அழகான இருக்கை, முற்றத்தில் ஒரு குழந்தை பூங்கா, தோட்டத்தில் ஒரு செயற்கை நீர்வீழ்ச்சி... திருப்புனித்துறை அரசு மாதிரி நர்சரி பள்ளி என்பது ஆச்சர்யமும் ஆர்வமும் நிறைந்த இடம். நாய்க்குட்டிகள் வகுப்பறைகளில் நுழைந்து விளையாட்டு உபகரணங்களுடன் கட்டிப்புரண்டு… பூங்காவில் விளையாடி ஆரவாரம் செய்தன. எஸ்எஸ்ஏ, ஆர்எம்எஸ் கல்வித்திட்டங்களை ஒருங்கிணைத்து உருவாக்கப்பட்டது சமக்றசிக்ஸா கேரளா என்கிற திட்டம். இத்திட்டத்தின்கீழ் திருப்புனித்துறை அரசு மழலையர் (நர்சரி) பள்ளி, வசதிகள் மேம்படுத்தப்பட்டு சர்வதேச தரத்திற்கு உயர்த்தப்பட்டுள்ளது.. திருப்புனித்துறை அரசு பெண்கள் மேல்நிலைப் பள்ளி வளாகத்தில் கிஃப்பியின் ரூ.15 லட்சம் நிதியுதவியுடன் கூடிய கட்டிடத்தில் மழலையர் பள்ளி இயங்கி வருகிறது. பள்ளியில் குழந்தைகளுக்கு உணவு தயாரிக்க சிறப்பு ஏற்பாடுகள் செய்யப்பட்டுள்ளன. விளையாடுவதன் மூலம் கற்றுக்கொள்வதே குறிக்கோள். ஒரு வகுப்பில் 50 குழந்தைகள் வரை இருக்கலாம். டிஜிட்டல் வகுப்பறை கட்டும் பணி நடந்து வருகிறது. அடுத்த கல்வியாண்டு பள்ளி திறப்புக்கு முன் பணி முடிக்கப்படும். எர்ணாகுளம் மாவட்டத்தில் உள்ள 15 மழலையர் பள்ளிகளை சர்வதேச தரத்திற்கு தரம் உயர்த்த கல்வித்துறை முடிவு செய்துள்ளது.
