மத்தியப் பிரதேசம் மாநிலத்தில் ஆம்புலன்ஸ் வராததால் கர்ப்பிணியைத் தள்ளு வண்டியில் அழைத்துச் சென்ற அவலம் நடந்துள்ளது.
மத்தியப் பிரதேசம் மாநிலம் தாமோ அருகில் உள்ள ரானே கிராமத்தில் கர்ப்பிணிப் பெண்ணை மருத்துவமனைக்கு அழைத்துச் செல்ல 2 மணி நேரம் ஆகியும் 108 ஆம்புலன்ஸ் வராததால், அப்பெண்ணை அவரது கணவர் கைலாஷ் அகிர்வால் தள்ளு வண்டியில் படுக்கவைத்து 2 கி.மீட்டர் தொலைவில் உள்ள சுகாதார மையத்திற்கு அழைத்து சென்றுள்ளார். ஆனால் அங்கு மருத்துவர்களோ, செவிலியர்களோ இல்லை. இது தொடர்பான வீடியோ சமூக வலைத்தளங்களில் வைரலான நிலையில், இந்த சம்பவம் குறித்து அம்மாநில சுகாதாரத்துறை அதிகாரிகள் விசாரணை மேற்கொண்டு வருகின்றனர்.