சென்னை,அக்.20- தமிழ்நாட்டில் இரண்டு நாட்க ளுக்கு மாநிலம் முழுவதும் பரவலாக கனமழை பெய்யும் என்றும் சென்னை  வானிலை ஆய்வு மையம் தெரிவித் துள்ளது. அந்தமான் மற்றும் அதனை ஒட்டிய  பகுதிகளில் நிலவிய வளி மண்டல கீழடுக்கு சுழற்சி காரணமாக தென்கிழக்கு வங்கக் கடல் பகுதியில் காற்றழுத்த  தாழ்வு பகுதியாக வலுவடைத்துள்ளது. இது மேற்கு - வடமேற்கு திசையில் நகர்ந்து மத்திய கிழக்கு மற்றும் ஒட்டிய தென் கிழக்கு வங்கக்கடல் பகுதியில் அக்டோபர் 22  காற்றழுத்த தாழ்வு மண்டலமாக வலுவடைந்து அக். 23 அன்று ஆழ்ந்த காற்றழுத்த தாழ்வு மண்டலமாக வலுப்பெறக்கூடும். பிறகு வடதிசையில் நகர்ந்து மத்திய மேற்கு மற்றும் அதனை ஒட்டிய மத்திய கிழக்கு வங்கக்கடல் பகுதியில் புயலாக 24 ஆம் தேதி வலு பெற்று அக். 25 அன்று மேற்கு வங்கம்  மற்றும் வங்கதேச கடற்கரை நோக்கி நகரக்கூடும்.

இதன் காரணமாக, வெள்ளிக் கிழமை (அக்.21) தமிழ்நாடு, புதுவை மற்றும் காரைக்கால் பகுதிகளில் பெரும்பாலான இடங்களில் இடி மின்ன லுடன் கூடிய மிதமான மழை பெய்யக் கூடும். குமரி, நெல்லை தென்காசி, தூத்துக்குடி, ராமநாதபுரம், விருதுநகர், தேனி, மதுரை, சிவகங்கை, திண்டுக் கல், புதுக்கோட்டை, தஞ்சாவூர், திருவாரூர், நாகை, மயிலாடுதுறை, கடலூர், சேலம், நாமக்கல், கரூர், திருப்பூர், திருச்சி, பெரம்பலூர், அரியலூர், கோவை, நீலகிரி, ஈரோடு  ஆகிய மாவட்டத்தில் ஓரிரு இடங்க ளில் கனமழை பெய்ய வாய்ப்பு உள்ள தாக வானிலை ஆய்வு மையம் தெரிவித் துள்ளது. அதேபோல், அக். 22 அன்று   தமிழ்நாடு, புதுவை மற்றும் காரைக் கால் பகுதிகளில் பெரும்பாலான இடங்களில் இடி மின்னலுடன் கூடிய மிதமான மழை பெய்யக்கூடும் என்றும்,  புதுக்கோட்டை, தஞ்சாவூர், திருவாரூர்,  நாகை, மயிலாடுதுறை, கடலூர், விழுப்புரம், வேலூர், ராணிப்பேட்டை, திருப்பத்தூர், திருவண்ணாமலை, தூத்துக்குடி, நெல்லை, குமரி, தென்காசி, சிவகங்கை, ராமநாதபுரம், விருதுநகர் மாவட்டங்கள் மற்றும் புதுச்சேரி, காரைக்கால் பகுதிகளில் ஓரிரு இடங்களில் கனமழை பெய்ய வாய்ப்பு உள்ளது என்றும் வானிலை ஆய்வு மையம் அறிவித்திருக்கிறது.