அமெரிக்காவுக்கு வரி விதிக்க இந்தியா திட்டமிட்டுள்ளது.
அமெரிக்கா மீது பல்வேறு நாடுகள் அதிக வரிகளை விதிப்பதாக டிரம்ப் குற்றம்சாட்டி இந்தியா உட்பட பல்வேறு நாடுகளுக்குப் பரஸ்பர வரிகளை விதித்தார்.
இந்தியா மீது 26 சதவிகித வரியை விதித்தார். பின்னர் சீனாவை தவிர மற்ற நாடுகள் மீதான வரி விதிப்பை 90 நாட்களுக்கு நிறுத்தி வைப்பதாக அறிவித்தார்.
இதையடுத்து இந்தியா உள்பட பல நாடுகளுடன் வர்த்தக ஒப்பந்தம் தொடர்பாக அமெரிக்கா பேச்சுவார்த்தை நடத்தி வருகிறது. 90 நாட்கள் வரிவிதிப்பு ஒத்திவைக்கப்பட்டுள்ள நிலையில் அதற்கான காலக்கெடு வருகிற 9-ஆம் தேதியுடன் முடிவடைகிறது.
தங்களுடன் ஒப்பந்தம் மேற்கொள்ளாத நாடுகள் மீது 9-ஆம் தேதிக்குப் பின்னர் வரி விதிப்பு அமலாகும் என்றும் குறிப்பிட்ட நாடுகளுடன் மட்டுமே ஒப்பந்தம் மேற்கொள்ளப்படும் என்றும் டிரம்ப் தெரிவித்துள்ளார்.
இந்நிலையில், அமெரிக்காவில் இறக்குமஹி செய்யப்படும் வாகனங்கள், அதன் உதிரி பாகங்கள் மீது பதிலடி வரி விதிக்கவுள்ளதாக உலக வர்த்தக அமைப்பில் இந்தியா தெரிவித்துள்ளது.
அமெரிக்காவின் பரஸ்பர வரிக்குப் பதிலடியாக, உலக வர்த்தக அமைப்பின் விதிகளுக்கு உட்பட்டு சுமார் 6 ஆயிரத்து 200 கோடி ரூபாய் வரி விதிக்க இந்தியா திட்டமிட்டுள்ளதாக தகவல் வெளியாகியுள்ளது.