பாபநாசம், மார்ச் 25- ராகுல்காந்தியை நாடாளுமன்ற உறுப்பினர் பொறுப்பிலிருந்து தகுதி நீக்கம் செய்திருப்பது பாஜகவின் திராணியற்ற செயல் என்று மனிதநேய மக்கள் கட்சியின்  தலைவரும், பாபநாசம் சட்டமன்ற உறுப்பி னருமான எம்.ஹெச்.ஜவாஹிருல்லா தெரி வித்துள்ளார். இதுதொடர்பாக அவர் வெளியிட்டுள்ள அறிக்கையில், ‘‘பிரதமர் மோடி பெயர் பற்றி பேசியதாக ராகுல்காந்திக்கு குஜராத் நீதிமன்றம் 2 ஆண்டு சிறைத் தண்டனை  விதித்த உடனே ராகுல்காந்தியை நாடா ளுமன்ற உறுப்பினர் பதவிலிருந்து தகுதி  நீக்கம் செய்து மக்களவை செயலகம் அறிவித்துள்ளது கடும் கண்டத்திற்குரியது. ராகுல்காந்தி விவகாரத்தில் மட்டும் தீர்ப்பு வழங்கப்பட்ட 24 மணி நேரத்திற்குள் ராகுல் காந்திக்கு மேல்முறையீடு செய்ய வாய்ப்பளிக்காமல், அவர் தகுதி நீக்கம் செய்யப்பட்டிருப்பது சர்வாதிகாரப் போக்  கின் வெளிப்பாடாகவும், ஜனநாயகத்திற்கு விரோதமான நடவடிக்கையாகவும் அமைந்துள்ளது. ராகுல்காந்தியை நாடாளுமன்ற உறுப்பினர் பொறுப்பிலிருந்து தகுதி நீக்கம்  செய்திருப்பது பாஜகவின் திராணியற்ற செயல் ஆகும். பாஜகவின் இதுபோன்ற அடாவடி செயலுக்கு எதிராக ஜனநாயக சக்திகள் அனைவரும் ஒன்றிணைந்து போராட முன்வர வேண்டும்’’ எனத் தெரி வித்துள்ளார்.