திருவனந்தபுரம், செப்.18- கேரளத்தை இழிவுபடுத்தும் முயற்சியின் ஒரு பகுதியாக, மாநிலத்தின் பெருமை வாய்ந்த பொதுத்துறை மருந்து உற்பத்தி நிறுவனமான கேஎஸ்டிபி மீது சிஏஜி வழக்குப் பதிவு செய்தது. நிறுவனத்தின் நன்கு செயல்படும் பீட்டா-லாக்டாம் உலர் தூள் ஊசி ஆலை செயல்பட வில்லை என்று சிஏஜி அறிக்கை வெளி யிட்டுள்ளது. இதை சில ஊடகங்கள் கொண்டாடின. இருப்பினும், உலர் தூள் ஊசி ஆலை உள்ளிட்ட நவீன உற்பத்தி முறை காரணமாக நிறுவனம் 2011 முதல் தொடர்ந்து லாபத்தில் உள்ளது. இந்த ஆலையில் உற்பத்தி செய்யப்படும் ஊசி மருந்தை ஆந்திரா, தெலுங்கானா உள்ளிட்ட மாநில அரசுகளுக்கு வழங்கும்போது பயனில்லை என சிஏஜி குறிப்பிடுகிறது. கே.எஸ்.டி.பி என்பது சரிவின் குழியிலிருந்து கேரள அரசு மீட்டெடுத்த நிறுவனமாகும். சீர்திருத்தங்கள் 2003 முதல் 2004 வரை, கேஎஸ்டிபி செயல்பாடு கள் முடங்கின. 2006இல் பதவியேற்ற வி.எஸ்.அச்சுதானந்தன் தலைமையிலான எல்.டி.எப் அரசு, நிறுவனத்தின் சீர்திருத்தங்களை துவக்கி யது. 2009 இல், பீட்டா-லாக்டம் ஆலை செயல் படத் தொடங்கியது. மறுசீரமைப்பு திட்டத்தில் பீட்டா-லாக்டம் உலர் தூள் ஊசி ஆலை மற்றும் நவீன ஆய்வகம் ஆகியவை அடங்கும். நவீன இயந்திரங்கள் வாங்கவும் உத்தரவிடப்பட்டது. ஆய்வகம் கட்டும் பணி துவங்கியது. 2011 இல் யுடிஎப் அரசாங்கம் ஆட்சிக்கு வந்த பிறகு, அதன் அடுத்த கட்ட நடவடிக்கைகள் தடை பட்டன. ஊசி ஆலைக்கு வழங்கப்பட்ட இயந்திரங்கள் நிறுவப்படவில்லை. பின்னர், 2016இல், பினராயி விஜயன் தலைமையிலான எல்.டி.எஃப் அரசு, கட்டுமானப் பணிகளை மீண்டும் செயல்படுத்தியது. உலர் தூள் ஊசி ஆலை பிப்ரவரி 2017 இல் திறக்கப்பட்டது. 2019 இல், பீட்டா-லாக்டம் அல்லாத ஆலை செயல்பாட்டுக்கு வந்தது. கேஎஸ்டிபி ஆய்வகம் என்ஏபிஎல் என்னும் தேசிய அங்கீகா ரத்தைப் பெற்றுள்ளது. குறைத்து மதிப்பிடும் முயற்சி மருந்து மற்றும் அழகுசாதனச் சட்டத்தின் விதிகளின்படி நிறுவனத்தில் அனைத்து உற்பத்தி நடவடிக்கைகளும் உற்பத்தி முறை யாக மாற்றப்பட்டுள்ளதாக தலைவர் சி.பி.சந்திரபாபு தெரிவித்தார். கடந்த கால கடன்கள் பெரும்பாலும் தீர்க்கப்பட்டுள்ளன. பல மத்திய அரசுக்கு சொந்தமான பொதுத்துறை மருந்து நிறுவனங்கள் பூட்டப்பட்டி ருக்கும் நேரத்தில் கேஎஸ்டிபி-இன் நடவடிக்கை வந்துள்ளது. எந்தத் தரப்பிலிருந்தும் அதைக் குறைத்து மதிப்பிடும் முயற்சி துரதிர்ஷ்டவச மானது என்று சந்திரபாபு கூறினார்.
