திருப்போரூர், மார்ச்16- திருப்போரூர் அருகே செவ்வாயன்று தொழிலாளர்களை தாக்கி ரூ.20ஆயிரம் கொள்ளையடிக்கப்பட்டுள்ளது. திருப்போரூர்-மாமல்லபுரம் சாலையில் உள்ள தண்டலம் பகுதியில் கடைகள் கட்டுமானப்பணி நடைபெற்று வருகிறது. இதில் வேலூர் மாவட்டத்தை சேர்ந்த 5 பேர் அங்கேயே தங்கி வேலை செய்து வருகின்றனர். செவ்வாயன்று இரவு தூங்கிக் கொண்டிருந்த தொழிலாளர்களிடம் 4 பேர் கொண்ட கும்பல் இரும்பு கம்பியால் தாக்கி ரூ.20 ஆயிரம், ஒரு செல்போனை கொள்ளையடித்துள்ளனர். கொள்ளையர்கள் தாக்கியதில் பிரேம் (வயது 30) என்ற கட்டுமான தொழிலாளியின் தலையில் பலத்த காயம் ஏற்பட்டது. இதுகுறித்து திருப்போரூர் காவல்துறையினர் விசாரணை நடத்தி வருகின்றனர்.
ஊடக உலகில் உண்மையின் பேரொளி