திருச்சி பன்னாட்டு விமான நிலையத்தில் சிங்கப்பூரிலிருந்து கடத்தி வரப்பட்ட ரூ. 1.16 கோடி மதிப்பிலான தங்கத்தை சுங்கத்துறையினர் பறிமுதல் செய்தனர்.
சிங்கப்பூரிலிருந்து ஸ்கூட் ஏர்லைன்ஸ் டிஆர்562 விமானம் திருச்சி பன்னாட்டு விமான நிலையத்திற்கு வந்தடைந்தது. அதில் வந்த பயணிகளையும், அவர்களின் உடைமைகளையும் சுங்கத் துறை அதிகாரிகள் சோதனை மேற்கொண்டனர்.
இதில்,பயணியொருவா் தனது தொடைகளில் அணிந்திருந்த முழங்கால் உறைக்குள் பேஸ்ட் வடிவிலான 1,605 கிராம் தங்கத்தை மறைத்துக் கடத்தி வந்தது தெரிந்தது. அதன் சந்தை மதிப்பு ரூ. 1.16 கோடி எனச் சுங்கத் துறையினர் தெரிவித்தனர். இதையடுத்து, தங்கத்தைப் பறிமுதல் செய்து, ஆண் பயணியைக் கைது செய்தனர். மேலும் இது தொடர்பாக அதிகாரிகள் விசாரணை நடத்தி வருகின்றனர்.