சிங்கப்பூரில் இருந்து சென்னை விமான நிலையத்திற்கு, ரூ.15 கோடி மதிப்பிலான 20 கிலோ தங்கத்தைக் கடத்தி வந்த 8 பெண்கள் உட்பட 25 பேரை சுங்கத்துறை அதிகாரிகள் கைது செய்தனர்.
சென்னை மீனம்பாக்கம் அண்ணா பன்னாட்டு விமான நிலையத்துக்கு வெளிநாடுகளில் இருந்து வரும் விமானங்களில் பெரும் அளவில் தங்கம் கடத்தி வரப்படுவதாக சுங்கத்துறை அதிகாரிகளுக்கு ரகசிய தகவல் கிடைத்தது. இதையடுத்து சிங்கப்பூரில் இருந்து விமானம் மூலம் சென்னை வந்த பயணிகளிடம் சுங்கத்துறையினர் சோதனை நடத்தினர். அப்போது ரூ.15 கோடி மதிப்பிலான 20 கிலோ தங்கம் அவர்களிடம் இருந்தது. அந்த தங்கத்தை 3 விமானங்களில் கடத்தி வந்த 8 பெண்கள் உள்பட 25 பயணிகளை சுங்கத் துறை அதிகாரிகள் மடக்கி பிடித்தனர்.
இந்த சம்பவம் தொடர்பாக வழக்குப்பதிவு செய்த போலீசார் கைதானவர்களிடன் விசாரணை நடத்தி வருகின்றனர்.