சென்னை விமான நிலையத்தில் இன்று ஒரே நாளில் இன்று வருகை/புறப்பாடு என 12 விமானங்கள் ரத்து செய்யப்பட்டுள்ளது.
சென்னையில் இருந்து கொல்கத்தா, பெங்களூரு, திருவனந்தபுரம், புவனேஷ்வர், சிலிகுரி உள்ளிட்ட பகுதிகளுக்கு இயக்கப்படும் விமானங்கள் இரு வழித்தடங்களிலும் ரத்து செய்யப்பட்டுள்ளது.
நிர்வாக காரணங்களால் விமானங்கள் ரத்து செய்யப்படுவதாக திடீரென்று அறிவிக்கப்பட்டதால், பயணிகள் கடும் அவதிக்குள்ளாகியுள்ளனர். ரத்து செய்யப்பட்ட அனைத்து விமானங்களும் ஏர் இந்தியா நிறுவனத்தை சேர்ந்தவை என்று தகவல்கள் தெரிவிக்கின்றன.
மேலும், ரத்து செய்யப்பட்ட விமானங்களில் பயணம் செய்ய முன்பதிவு செய்திருந்த பயணிகளுக்கு மாற்று விமானம் மூலம் பயணம் செய்ய ஏற்பாடுகள் செய்யப்படுவதாக தெரிவிக்கப்பட்டுள்ளது. பணத்தை திரும்பப் பெற விரும்புவோருக்கு திருப்பித் தரவும் ஏற்பாடுகள் செய்யப்பட்டுள்ளது.
சென்னை விமான நிலையத்தில் சமீப காலமாக விமான சேவைகள் திடீர் திடீரென ரத்து செய்யப்படுவது பயணிகளை அவதிக்குள்ளாக்கியுள்ளது.