கரூர், டிச.11 - மகாகவி பாரதியார் பிறந்த நாளையொட்டி, கரூர் பரணி பார்க் கல்விக் குழுமத்தில் சிறப்பு நிகழ்ச்சிகள் நடைபெற்றன.
நூற்றுக்கும் மேற்பட்ட மாணவர்கள் தேசிய கவிஞர் சுப்பிரமணிய பாரதியாரை போல் வேடமிட்டு, தேசியக் கொடி ஏந்தி வந்து, பாரதியார் படத்துக்கு மரியாதை செய்தனர். பெரும் திரளான சாரண மாணவர்கள் பாரதியார் பாடல் ஒப்புவிக்கும் போட்டியில் ஆர்வமுடன் கலந்து கொண்டு பாரதியார் தேச பக்திப் பாடல்களை உற்சாகத்துடன் பாடினர்.
இந்நிகழ்ச்சிகளில் பங்கு பெற்ற அனைவருக்கும் பரணி பார்க் சாரணர் மாவட்டம் சார்பாக பரிசுகள், பாராட்டுச் சான்றிதழ்கள் வழங்கப்பட்டன. கரூர் பரணி பார்க் கல்விக் குழும தாளாளர் சா.மோகனரங்கன், செயலர் பத்மாவதி மோகனரங்கன், அறங்காவலர் சுபாஷினி, கல்விக் குழும முதன்மை முதல்வர் முனைவர் ராமசுப்பிரமணியன், பரணி பார்க் சாரணர் மாவட்டச் செயலர் இரா.பிரியா, கல்விக் குழும முதல்வர்கள் சு.சுதாதேவி, க.சேகர், முனைவர் சாந்தி மற்றும் பரணி பார்க் சாரணர் மாவட்ட நிர்வாகிகள் கலந்து கொண்டனர்.