சிதம்பரம், ஜன.5- சிதம்பரம் அருகே ஜெயங்கொண்ட பட்டினம் கிராமத்தைச் சேர்ந்தவர் இளவரசி இவர் சிதம்பரம், காட்டுமன்னார்கோவில், சேத்தியாத்தோப்பு உள்ளிட்ட பல்வேறு காவல் நிலையங்களில் உதவி காவல் ஆய்வாளராக பணிபுரிந்து வந்தார். தற்போது இவர் குமராட்சி காவல் நிலையத்தில் பணியாற்றி வருகிறார், இவருக்கும் அதே கிராமத்தைச் சேர்ந்த கலைவேந்தன் என்பவருடன் கடந்த 30 நாட்களுக்கு முன்பு திருமணம் நடைபெற்றுள்ளது.இந்த நிலையில் இவரது கணவருடன் ஞாயிற்றுக்கிழமை சிதம்பரம் அருகே வீரன்கோவில் திட்டு கிராமத்திற்கு உறவினர் வீட்டு சென்றபோது சிதம்பரம் - கொடியம்பாளையம் செல்லும் சாலையில் சித்தாலபாடி என்ற இடத்தில் கொடியம்பாளையம் கிராமத்தில் இருந்து சிதம்பரம் நோக்கி வந்த அரசு பேருந்து இவர்கள் சென்ற இருசக்கர வாகனத்தின் மீது மோதியது இதில் உதவி காவல் ஆய்வாளர் மற்றும் அவரின் கணவர் பேருந்து சக்கரத்தில் சிக்கி சம்பவ இடத்தில் உயிரிழந்தனர். அரசு பேருந்தை ஓட்டி வந்த ஓட்டுநர் மற்றும் நடத்துநர் தலைமறைவாகி உள்ள நிலையில் அண்ணாமலை நகர் போலீசார் விசாரணை மேற்கொண்டு வருகின்றனர்.
