விழுப்புரம், ஏப்.24 - கண்டாச்சிபுரத்தில் கோட்ட மின் வாரிய செயற்பொறியாளர் அலு வலகம் அமைக்க வலி யுறுத்தி கண்டாச்சிபுரம் வளர்ச்சி குழு சார்பில் கவன ஈர்ப்பு ஆர்ப்பாட்டம் நடைபெற்றது. விழுப்புரம் மாவட்டத்திற்குட்பட்ட கண்டாச்சிபுரத்தை வட்ட மாக அறிவித்து 7 ஆண்டுகள் ஆகிறது. இருப்பினும், வட்ட அலுவலகத்தை தவிர வேறு அலுவலகம் எதையும் கண்டாச்சிபுரத்தில் அமைக்கப்படவில்லை. இந்நிலையில், திருக்கோ விலூர் வட்டத்தில் இயங்கி வரும் கோட்ட மின்வாரிய செயற்பொறியாளர் அலுவலகத்தை கண்டாச்சி புரத்தில் அமைக்க வலி யுறுத்தி இந்த போராட்டம் நடைபெற்றது. கண்டாச்சிபுரம் பகுதியை சேர்ந்த அனைத்துக் கட்சிகள், ஊராட்சி அளவிலான மகளிர் கூட்டமைப்பு, மாற்றுத்திறனாளிகள் சங்கம், கோவில் நகர அரிமா சங்கம், மாணவர், வாலிபர், விவசாயிகள், விவசாய தொழிலாளர் அமைப்புகள் இணைந்து இந்த போராட்டத்தை நடத்தின. போராட்டத்திற்கு வளர்ச்சி குழு ஒருங்கிணைப்பாளர் எஸ்.கணபதி தலைமை தாங்கினார்.
