தெரு நாய் தொல்லைகள் பிரச்சனையும், சமாளிப்பும் - திருநாவுக்கரசு தர்மலிங்கம்

தெரு நாய் தொல்லைகள் : பிரச்சனையும், சமாளிப்பும்

தெரு நாய்களின் தொல்லைகள் நம் சமூகத்தில் முக்கிய பிரச்சனையாக உருவெடுத்துள்ளது. தெரு நாய்களால் ஏற்படும் அச்சுறுத்தல்கள், அரசின் நடவ டிக்கைகள், சமூகத்தின் பங்களிப்பு மற்றும் நாய்க்கடி சம்பவங்களைத் தடுப்பதற்கான முன்னெச்சரிக்கை நடவடிக்கைகளை விரிவாக ஆராய வேண்டியுள்ளது. மனித-விலங்கு ஒத்துழைப்பின் முக்கியத்துவத்தை வலியுறுத்தி, இந்த சிக்கலுக்கு நீண்ட கால தீர்வுக ளையும் நாம் உடனடியாக காண வேண்டியுள்ளது.

தெரு நாய்களின் அச்சுறுத்தல்: நிலைமையின் தீவிரம்

 இந்தியாவில் தெரு நாய்களின் எண்ணிக்கை அதிகரித்து வரும் நிலையில், தமிழ்நாட்டில் இந்தப் பிரச்சனை மிகவும் தீவிரமாக உள்ளது. 2019 ஆம் ஆண்டு கணக்கெடுப்பின்படி, இந்தியாவில் சுமார் 1.5 கோடி தெரு நாய்கள் உள்ளன. தமிழ்நாட்டி லேயே 2024-இல் 4,79,000 பேர் நாய்க்கடிக்கு ஆளா கியுள்ளனர், இதில் 40 பேர் ரேபிஸ் தொற்றால் உயிரி ழந்துள்ளனர். தமிழ்நாட்டில் சென்னை, சேலம், கோவை, அரியலூர், கடலூர் போன்ற மாவட்டங்களில் நாய்க்கடி சம்பவங்கள் அதிகமாகப் பதிவாகி யுள்ளன. சமீப காலங்களில், ராஜஸ்தானில் தெரு  நாய்கள் குழந்தையைத் தூக்கிச் சென்ற சம்பவமும், தெலுங்கானாவில் நாய்க்கடி காரணமாக ஒரு குழந்தை உயிரிழந்த சம்பவமும் சமூகத்தில் பெரும் பதற்றத்தை ஏற்படுத்தியுள்ளன. கடந்த பத்து நாட்களுக்கு முன்பு சென்னையில் வளர்ப்பு நாய், அந்த நாயின் சொந்தக்காரரை கடித்து அவர் இறந்து போனதும், அவரை காப்பாற்ற முயன்றவரும் அதே நாயால் கடிக்கப்பட்டு மருத்துவ மனையில் அனுமதிக்கப்பட்டுள்ளார் என்ற செய்தி யும் நாம் அனைவரும் அறிந்த விஷயம் தான். இத்த கைய சம்பவங்கள் பொதுமக்களிடையே அச்சத்தை அதிகரித்துள்ளன. உலக அளவில் ஆண்டுதோறும் சுமார் 59,000 மனிதர்கள் வெறி நாய் நோயால் இறக்கின்றனர். இதில் 95% மரணங்கள் ஆசியா மற்றும் ஆப்பிரிக்க நாடுகளில் ஏற்படுகின்றன. இந்த புள்ளிவிவரங்கள் நாய்க்கடி மற்றும் ரேபிஸ் பிரச்சனையின் தீவிரத்தை நமக்கு உணர்த்துகின்றன.

தெரு நாய்களின்  தாக்குதலுக்கு காரணங்கள்

தெரு நாய்கள் ஏன் மனிதர்களைத் தாக்குகின்றன  என்பதைப் புரிந்து கொள்வது அவற்றைச் சமா ளிப்பதற்கு மிகவும் அவசியமாகும். தெரு நாய்களின் தாக்குதலுக்குப் பல்வேறு காரணங்கள் உள்ளன. உணவுக்காகத் தவிக்கும் நாய்கள் அல்லது மனிதர்களால் துன்புறுத்தப்பட்ட நாய்கள் பயத்தால் மனிதர்களைத் தாக்கக்கூடும். இனப்பெருக்க காலத்தில் ஆண் நாய்கள் அதிக ஆக்ரோஷமாக இருக்கும். பெண் நாய்களின் கவ னத்தைப் பெறுவதற்காக சண்டையிடுவதால் அருகில் உள்ள மனிதர்களைத் தாக்கக்கூடும். தாய் நாய்கள் தங்கள் குட்டிகளைப் பாதுகாக்க மிகவும் ஆக்ரோஷமாக இருக்கும். குட்டிகள் உள்ள இடத்திற்கு அருகில் செல்லும் மனிதர்களைத் தாக்கக்கூடும். நாய்கள் தங்கள் எல்லைப் பகுதியை மிகவும் பாதுகாப்பாக கருதுகின்றன. அந்தப் பகுதிக் குள் நுழையும் அந்நியர்களைத் தாக்கக்கூடும். வீட்டு நாய்கள் சமூகமயமாக்கல் அடையாமல் இருப்பதும் தாக்குதலுக்கு முக்கிய காரணமாக அமைகிறது. நன்கு பயிற்சி அளிக்கப்படாத வீட்டு நாய்கள் வீட்டிலிருந்து தப்பித்து தெருவில் அலைந் தால், அவை மனிதர்களுக்கு அச்சுறுத்தலாக மாறக்கூடும்.

தெரு நாய்களின் நடத்தை

தெரு நாய்கள் மனிதர்களைப் பார்த்து பழகி இருப்பதால், அவற்றின் தாக்குதல் வீட்டு நாய்களின் தாக்குதலை விட குறைவாக இருக்கிறது. ஆனால்,  உணவுக்காகத் தவிக்கும் நாய்கள் அல்லது பயந்த நிலையில் உள்ள நாய்கள் எப்போதும் ஆபத்தான வையாக இருக்கலாம். நாய்களின் இந்த நடத்தைகளைப் புரிந்து கொள்வதன் மூலம், நாம் அவற்றோடு எவ்வாறு பாது காப்பாக பழக வேண்டும் என்பதை அறிந்துகொள்ள முடியும். நாய்கள் ஆக்ரோஷமாக இருக்கும் அறிகுறி களை அடையாளம் கண்டு, அந்த இடத்தை விட்டு விலகுவது சிறந்தது.

வெறி நாய் நோய் (ரேபிஸ்):  ஓர் உயிர் அச்சுறுத்தல்

வெறி நாய் நோய் என்பது ரேபிஸ் வைரஸால் ஏற்படும் ஒரு தீவிரமான நோயாகும். இந்த வைரஸ் ரேபிடோ வைரஸ் குடும்பத்தைச் சேர்ந்ததாகும். இது நரம்பு மண்டலத்தை பாதிக்கும் ஒரு தொற்று நோயா கும். தடுப்பு நடவடிக்கைகள் எடுக்காவிட்டால் பெரும்பாலும் மரணமே நிகழும். இந்த வைரஸ் நாய்களின் உமிழ்நீரில் அதிகமாக காணப்படுகிறது. அவை கடித்தால் உமிழ்நீர் வழி யாக இந்த வைரஸ் மனிதர்களுக்கும் மற்ற விலங்கு களுக்கும் பரவுகிறது. இந்த நோய் உலகெங்கிலும் பரவியுள்ளது, ஆனால் தடுப்பூசி மற்றும் விழிப்பு ணர்வு மூலம் கட்டுப்படுத்தப்பட்டுள்ளது. வெறி நாய் மனிதனைக் கடிக்கும்போது, அதன் பற்கள் மூலம் தோலில் காயம் ஏற்படுகிறது. கடி காயத்தில் உள்ள இரத்த நாளங்கள் மற்றும் திசுக்கள் வழியாக வைரஸ் உடலுக்குள் நுழைகிறது. வைரஸ் நேரடியாக இரத்தத்தில் கலந்து, நரம்புக ளை நோக்கி பயணிக்கத் தொடங்குகிறது. இது ஒரு நியூரோட்ரோபிக் வைரஸ் என்றழைக்கப்படுகிறது, அதாவது இது நரம்பு செல்களை குறிவைக்கிறது. நாய் கடித்த நேரத்திலிருந்து முதல் அறிகுறிகள் தோன்றும் வரை உள்ள காலம் உள்ளடங்கு காலம் (Incubation Period) எனப்படுகிறது. இது பொதுவாக 4 முதல் 10 நாட்கள் ஆகும், ஆனால் சில நேரங்களில் சில வாரங்கள் முதல் ஒரு வருடம் வரை கூட நீடிக்கலாம். காய்ச்சல், உடல் வலி, கடித்த இடத்தில் எரிச்சல், தலைவலி, மயக்கம் மற்றும் அசாதாரண உணர் திறன் போன்ற அறிகுறிகள் தோன்றும். இது 2-3 நாட்கள் நீடிக்கும். நீரைக் கண்டால் பயம் (Hydrophobia), காற்றைக் கண்டால் பயம் (Aerophobia), அதிகப் படியான உமிழ்நீர் சுரப்பு, மனக்குழப்பம் மற்றும் விழுங்குவதில் சிரமம் போன்ற அறிகுறிகள் தோன்றும். இது 2-7 நாட்கள் நீடிக்கும்.

கோமா நிலை மற்றும் மரணம்

நோய் அறிகுறிகள் தோன்றிய பிறகு, வெறி நாய் நோய் மிக வேகமாக முன்னேறுகிறது. முன்னறிகுறி கள் தோன்றிய 2-7 நாட்களுக்குப் பிறகு, நோயாளி கோமா நிலைக்குச் சென்று, பொதுவாக இறந்து விடுகிறார். இந்த நோயின் தீவிரத்தன்மை காரணமாக, நாய் கடித்த உடனே மருத்துவ சிகிச்சை பெறுவது அவசிய மாகும். அறிகுறிகள் தோன்றிய பிறகு சிகிச்சை பலன ளிக்காது என்பதால், முன்னெச்சரிக்கை நடவடிக்கை கள் மிக முக்கியமானவை. “வெறி நாய் நோயின் அறி குறிகள் தோன்றிய பிறகு, மருத்துவ சிகிச்சை பலன ளிக்காது. எனவே, நாய் கடித்த உடனே மருத்துவ உத வியை நாடுவது உயிரைக் காக்கும்.”

செய்யக்கூடாதவை

l மஞ்சள், சுண்ணாம்பு, மண், சாம்பல் போன்ற பொருட்களை காயத்தில் தடவுவது தவறான நம்பிக்கை. இவை தொற்றை அதிகரிக்கும், காயத்தை மோசமாக்கும். l காயத்தை குத்திக்கொள்ளுதல். பலர் ரேபிஸ் வைரஸை வெளியேற்ற காயத்தை குத்தி, இரத் தத்தை வெளியேற்ற முயற்சிப்பார்கள். இது உண்மையில் காயத்தை மோசமாக்கி, தொற்று ஏற்படும் அபாயத்தை அதிகரிக்கும். l காயத்தை தீயில் சுடுதல். சில இடங்களில் காயத்தை சுத்தப்படுத்த சூடான கம்பி அல்லது நெருப்பைப் பயன்படுத்துவார்கள். இது கடுமை யான எரிகாயங்களை ஏற்படுத்தி நிலைமையை மோசமாக்கும்.

பாரம்பரிய சிகிச்சைகள் பல நேரங்களில் மருத்துவ சிகிச்சையை தாமதப்படுத்தி, நோயாளியின் நிலையை மோசமாக்குகின்றன. ரேபிஸ் போன்ற உயிரைக் கொல்லும்  

ஆபத்தான நோய்களுக்கு உடனடி மருத்துவ சிகிச்சை மட்டுமே தீர்வு

அரசின் நடவடிக்கைகள்: ஏபிசி திட்டம் மற்றும் தடுப்பூசி முயற்சிகள்

தமிழக அரசின் 2022 ஆம் ஆண்டு அறிவிப்பின் படி, தெரு நாய்களைக் கையாள்வதற்கான பல்வேறு நடவடிக்கைகள் மேற்கொள்ளப்பட்டு வருகின்றன. இதில் பயிற்சி பெற்ற நாய்பிடிப்பாளர்கள் நியமனம், மருத்துவர்களுக்குப் பயிற்சி,

நாய் காப்பகங்கள்

அமைத்தல் போன்றவை அடங்கும். ஏபிசி (Animal Birth Control) திட்டம் என்பது தெரு நாய்களின் இனப்பெருக்கத்தைக் கட்டுப்படு த்துவதற்கான முக்கிய திட்டமாகும். 2019 முதல் 2023 வரையிலான காலகட்டத்தில், தமிழ்நாட்டில் 73% தெரு நாய்கள் கருத்தடை செய்யப்பட்டுள்ளன. இந்த நடவடிக்கை தெரு நாய்களின் எண்ணிக்கை யைக் கட்டுப்படுத்துவதில் முக்கியப் பங்கு வகிக்கிறது. நாய் காப்பகங்கள்  சென்னை மாநகராட்சி 5 ஏபிசி மையங்களை நிறுவி, தெரு நாய்களைப் பிடித்து, கருத்தடை அறுவை சிகிச்சை செய்து, தடுப்பூசி செலுத்தி, குண மடைந்த பின்னர் அதே இடத்தில் விடுவிக்கும் நடை முறையைப் பின்பற்றி வருகிறது. தடுப்பூசி நடவடிக்கைகள் தெரு நாய்களுக்கு ரேபிஸ் தடுப்பூசி செலுத்துவ தும் அரசின் முக்கிய நடவடிக்கைகளில் ஒன்றாகும்.  இது மனிதர்களுக்கு ரேபிஸ் பரவுவதைத் தடுக்க உதவுகிறது.

சமீபத்திய அரசியல், நீதிமன்ற நடவடிக்கைகள் l

சென்னை உயர் நீதிமன்றம் மற்றும் உச்ச நீதி மன்றம் — தெரு நாய்களுக்கு தடுப்பூசி செலுத்துதல், காப்பகங்கள் அமைத்தல், இனப்பெருக்க கட்டுப் பாடு செய்து நூற்றுக்கும் மேற்பட்ட நடவடிக்கை களை ஆர்வமாக அறிவித்து வருகிறது. l அரசு உத்தரவு — நோய்த்தொற்று (ரேபிஸ்) உறுதி செய்யப்படும் நாய்களை மட்டும் கருணை மிக்க முறையில் உயிரிழக்கச்செய்ய அரசு உத்த ரவு பிறப்பித்துள்ளது. l உள்ளாட்சி அமைப்புகள், மாநகராட்சி நிறுவனங்கள் — மாதம் ஒருமுறை தெருக்களில் நாய்கள் கணக் கெடுப்பு, தடுப்பூசி, கருத்தடை நடவடிக்கைகள் மேற் கொள்ளும் திட்டத்தை செயல்படுத்தி வருகின்றன. இருந்தாலும், நாய் துரத்துதல், நாய் கடித்தல் போன்ற பிரச்சனைகள் இன்னும் முழுமையாக குறையவில்லை, இந்த நிலை நீடித்துக் கொண்டு தான் இருக்கிறது. இதற்கு, அரசு மற்றும் நீதிமன்றங் கள் என்னதான் சட்டங்கள் போட்டாலும் திட்டங்களை அமல்படுத்த முனைப்பு காட்டினாலும், மக்கள் ஒத்து ழைப்பு இருந்தால்தான் இந்தப் பிரச்சனையை சமாளிக்க முடியும். தெரு நாய்களின் தொல்லைகளைக் குறைப்ப தில் பொதுமக்களின் பங்களிப்பு மிக முக்கியமா னது. மக்கள் ஒத்துழைப்பின்றி அரசின் முயற்சிகள் மட்டும் போதாது. இந்தப் பிரச்சனையை சமாளிக்க பின்வரும் நடவடிக்கைகளை எடுக்கலாம். தெரு நாய்களை துன்புறுத்தாமல், அவற்றிற்கு உணவு மற்றும் தண்ணீர் வழங்குவது அவற்றின் ஆக்ரோஷத்தைக் குறைக்க உதவும். நாய்களை ஏமாற்றுதல், கல் எறிதல், அடித்தல் போன்ற செயல்களைத் தவிர்க்க வேண்டும். தெரு நாய்கள் தங்கள் எல்லைப் பகுதியை மிகவும் பாதுகாப்பாக கருதுகின்றன. அவற்றின் இடத்தை மதித்து, தேவையின்றி அவற்றின் பகு திக்குள் நுழையாமல் இருப்பது நல்லது. உங்கள் பகுதியில் உள்ள தெரு நாய்களை ஏபிசி திட்டத்திற்கு அழைத்துச் செல்ல உதவுங்கள். தன் னார்வ தொண்டு நிறுவனங்களுடன் இணைந்து செயல்படுங்கள். விழிப்புணர்வு பரப்புதல் நாய்க்கடி தடுப்பு மற்றும் முதலுதவி குறித்த  விழிப்புணர்வை பரப்புங்கள். உங்கள் சுற்றத்தா ருக்கும் நண்பர்களுக்கும் இது குறித்த தகவல்க ளைப் பகிருங்கள்.

வீட்டு நாய் வளர்ப்போரின் பொறுப்புகள்

வீட்டு நாய் வளர்ப்போர் தங்கள் நாய்களுக்கு சரி யான பயிற்சி அளித்து, அவற்றை தெருவில் அலைய விடாமல் பார்த்துக்கொள்ள வேண்டும். இது நாய்க்கடி சம்பவங்களைக் குறைக்க உதவும். வீட்டு நாய்களுக்கு தவறாமல் ரேபிஸ் தடுப்பூசி போடுவது அவசியம். மேலும், அவற்றை சமூகமய மாக்கம் செய்வது, சரியான பயிற்சி அளிப்பது, பொது இடங்களில் கயிற்றுடன் அழைத்துச் செல்வது போன்ற நடவடிக்கைகள் மூலம் நாய்க்கடி சம்பவங்க ளைத் தடுக்கலாம். “பிரச்சனை எங்கள் ஊரில் இல்லை என்று நினைக் காதீர்கள். நாளை உங்கள் ஊரிலும் வரலாம். எனவே, முன்னெச்சரிக்கையாக இருப்பது நல்லது. நாய்களை நேசிப்பது, அதே நேரத்தில் பாதுகாப் பான தூரத்தில் இருப்பது மிகவும் அவசியம்.” சமூக மட்டத்தில் தெரு நாய் மேலாண்மை குழுக் களை உருவாக்கி, தொடர்ந்து கண்காணித்து, அரசு மற்றும் தன்னார்வ தொண்டு நிறுவனங்களுடன் இணை ந்து செயல்படுவது சிறந்த தீர்வாக அமையும். “அரசின் முயற்சிகள் வெற்றி பெற பொதுமக்க ளின் ஒத்துழைப்பு அவசியம். அனைவரும் இணை ந்து செயல்பட்டால் மட்டுமே தெரு நாய் பிரச்சனை க்கு நிரந்தர தீர்வு காண முடியும்