நிறமேற்றப்பட்ட குளிர்பானங்கள் பாதிப்பை ஏற்படுத்துமா?
வெயில் அதிகமாக உள்ள காலத்தில் மக்கள் பலரும் தாகம் தணிக்க கார்பனேற்ற பாட்டில் குளிர்பானங்களை வாங்கி அருந்துகிறார்கள். ஆனால் அந்த கார்பனேற்ற பானங்களை அதிகம் குடிப்பது ஆபத்து என்ற கூறுகிறார்கள் மருத்துவ நிபுணர்கள். குளிர்பானங்களில் உள்ள கார்போனிக் ஆசிட், நாவில் ஏற்படுத்தும் சென்சேஷன் தொடர்ந்து அந்த பானங்களுக்கு அடிமையாக்கும். கார்பனேற்ற பானங்களை அருந்துவது சிறுநீரகத்தில் கல் ஏற்படுவதற்கான அபாயத்தை அதிகரிக்கிறது. கார்பனேற்ற பானங்களில் உள்ள சோடா நுகர்வு உடல் எடையை அதிகரிக்கச் செய்கிறது. குளிர்பானங்களில் உள்ள சர்க்கரையேற்ற பொருட்கள் டைப் 2 நீரிழிவு நோய் அபாயத்தை அதிகரிக்கிறது. டயட் குளிர்பானங்களையும் ஒரு நாளைக்கு இரண்டு கப்புக்கு மேல் குடிப்பது ஆபத்து என்று கூறுகிறார்கள் நிபுணர்கள்குளிர்பானங்கள் அந்த சமயத்திற்கு தாகத்தை தணிப்பது போல தோன்றினாலும் தாகத்தை அதிகரிக்கிறது. இதனால் இதயமும் பலவீனப்படுகிறது. இதய பாதிப்புகளினால் மரண வாயிலுக்கும் பலர் செல்கின்றனர். எனவே இயற்கையாக கிடைக்கக் கூடிய பழரசங்களை தேர்ந்தெடுங்கள். இது போன்று உடலுக்குத் தீங்கு விளைவிக்கக் கூடிய செயற்கை நிறம் ஊட்டப்பட்ட குளிர்பானங்களை அருகிலும் கொண்டு செல்லாதீர்கள்.
விரைவாக முதுமைத் தோற்றத்தை உண்டாக்கும் உணவுகள்
வயதிற்கும், தோற்றத்திற்கும் சம்பந்தமில்லாத நிலையில் நிறைய மனிதர்களை சந்திக்கிறோம். இளம் வயதிலேயே தலைமுடி நரைப்பது, தோல் சுருக்கம் ஏற்படுவது, முதுமைத் தோற்றம் எட்டிப்பார்ப்பது என இந்த காலத்து இளைஞர்கள், பல பிரச்சனை களை சந்திக்கிறார்கள். இவை அனைத் திற்கும், அவர்களது தவறான உணவுப் பழக்கம் முக்கிய காரணமாகிறது. குறிப் பாக துரித உணவு கலாச்சாரம் மற்றும் மேலை நாடுகளின் உணவு பழக்க வழக்க தாக்கத்தினால், ஆரோக்கியமில்லாத உணவுகளை உட்கொண்டு உடலை யும், இளமையையும் பாழ்படுத்திக் கொள்கிறார்கள். அந்தவகையில், இளம் வயதிலேயே முதுமையான தோற்றத்தை உண்டாக்கும் சில உணவுகளைப் பற்றி தெரிந்து கொள்வோம். இவற்றை தவிர்ப்பதன் மூலம், செயற் கையாக உருவாகும் முதுமை தோற்றத்தை தவிர்க்கலாம்.
• குளிர்பானங்கள் குளிர்பானங்கள் கொஞ்சமாக குடித்தாலும் சரி, நிறைய குடித்தாலும் சரி அதன் மூலம் பாதிப்பு ஏற்படுவது உறுதி தான். இந்த குளிர்பானங்களை தொடர்ந்து குடித் தால் உடலில் உள்ள நீர் வற்றி, சருமம் பாதிக்கப்படும். இதனால் விரைவில் வயதான தோற்றம் ஏற்படும்.
• துரித உணவு தோல் பளபளப்பாக இருப் பதற்கு முக்கியமான காரணம் என்னவென்றால், நமது உடலின் ரத்த ஓட்டம் சீராக இருப்பதே. ஆனால், பாஸ்ட் புட், பீட்சா, பர்க்கர் போன்ற துரித உணவுகளை சாப்பிட்டால், கொழுப்பு அதிகமாகி, ரத்த ஓட்டம் பாதிக்கப்படும். இதனாலும் வயதான தோற்றம், வெகுவிரைவிலேயே ஏற்படும்.
• இறைச்சி அதிக அளவில் இறைச்சி மட்டும் உட்கொள்வதால் உடலில் நச்சுகள் குவிந்து கொழுப்பு அதிகரிக்கிறது. இதனால் வைட்டமின் டி சத்து குறைந்து முதுமை நிலையை, இளமையிலேயே அடைகிறீர்கள்.
• உப்பு உப்பில்லாத பண்டம் குப்பையிலே என்று சொல்வார்கள். ஆனால், உப்பு அதிகமாக சேர்த்துக் கொண்டாலும் அது ஆபத்து தான். உப்பு அதிக ரத்த அழுத்தத்தை ஏற்படுத்தும். இதன்காரணமாக, தோலின் இறுக்கமான தன்மை சுருங்கி வயதானவர்கள் போன்ற தோற்றம் விரைவில் ஏற்படும்.
• மதுபானங்கள் அழகாகவும், இளமையாகவும் காட்சி அளிக்கும் பிரபலங்கள், பிறருக்கு தரும் முதல் டிப்ஸ் என்னவென்றால், அதிக தண்ணீர் குடியுங்கள் என்பதே. ஆம், மது அருந்துபவர்களுக்கு அதிகமாக தண்ணீர் இழப்பு ஏற்படும். இதனால், விரைவிலேயே தோல் பாதிக்கப்பட்டு, வயதானவர்கள் போன்ற தோற்றத்தை பெறுவார்கள்.