மார்க்சியம் பற்றிய விரிவுரைகள் : ஏகாதிபத்தியத்தை எதிர்கொள்ளும் அறிவுக்கருவி
பிரபல மார்க்சிய அறிஞரும், ‘மன்த்லி ரிவ்யூ’ இதழின் நிறு வனர்களில் ஒருவருமான பால் எம். ஸ்வீஜி, 1979-இல் டோக்கியோ ஹோசெய் பல்கலைக்கழகத்தில் நிகழ்த்திய நான்கு முக்கியமான விரிவுரைகளின் தொகுப்பே இந்நூல். மார்க்சிய அறிவுலகிற்கு ஸ்வீஜி ஆற்றிய பங்களிப்பை விளக்கும் ஜான் பெல்லமி ஃபாஸ்டரின் சிறப்புக் கட்டுரை யுடன் இப்புத்தகம் வெளியாகி உள்ளது. மார்க்சியத்தின் அடிப்படை முதல் ஏகாதிபத்தியம் வரை இந்நூல் நான்கு முக்கியத் தலைப்புகளில் மார்க்சியத்தைப் பகுப்பாய்வு செய்கிறது: இயக்கவியல்: சமூக மாற்றங்களை அறிவியல் பூர்வமாக அணுகும் முறை. முதலாளித்துவத்தின் முரண்பாடுகள்: லாப வேட்கையால் ஏற்படும் உள்முரண்கள். மையம், புறப்பகுதி மற்றும் அமைப்பின் நெருக்கடி: ஏகாதிபத்திய நாடுகளுக்கும் (மையம்), சுரண்டப்படும் மூன்றாம் உலக நாடுகளுக்கும் (புறப்பகுதி) இடையிலான உறவு. மார்க்சியமும் எதிர்காலமும்: சோசலிசத்திற்கான வாய்ப்புகள். ஏகாதிபத்திய எதிர்ப்பு அரசியல் புதிய காலனி ஆதிக்கம் தீவிர மடைந்து வரும் இன்றைய சூழலில், முதலாளித்துவம் உருவாக்கும் பொருளாதார நெருக்கடிகளையும், சுரண்டல் வடிவங்களையும் ஆழ மாகப் புரிந்துகொள்ள ஸ்வீஜியின் இந்தப் பார்வைகள் பெரிதும் உதவுகின்றன. சமத்துவமின்மை உச்சத்தை எட்டியுள்ள தற்காலத்தில், மார்க்சிய தத்துவத்தை வலுப்படுத்திக்கொள்ள விரும்பும் ஒவ்வொருவரும் வாசிக்க வேண்டிய மிகச்சிறந்த வழிகாட்டி நூல் இது. மார்க்சியம் பற்றிய விரிவுரைகள் ஆசிரியர்: பால் எம். ஸ்வீஜி வெளியீடு: சிந்தன் பதிப்பகம் பக்கங்கள்: 165 | விலை: ₹200
பாசிசத்தின் இந்திய முகம்: இந்துத்துவ - கார்ப்பரேட் கூட்டணியின் ஆபத்து
“இந்தியாவில் பாசிசம் வந்தால் அது இந்து மதத்தின் வடிவத்தில்தான் வரும்” என்ற எம்.என்.ராயின் தீர்க்கதரிசனமான கணிப்பைத் தொடக்கப்புள்ளியாகக் கொண்டு விரி கிறது வே. மீனாட்சி சுந்தரம் எழுதிய ‘பாசி சத்தின் இந்திய முகம்’ என்னும் நூல். இன்றைய அரசியல் சூழலில் இந்துத்துவ சித்தாந்தம் எவ்வாறு பாசிசத்தின் முகமூடி யாகச் செயல்படுகிறது என்பதை இந்நூல் ஆழமாக அலசுகிறது. சுரண்டும் வர்க்கத்தின் வாள் காந்தியடிகள் முன்வைத்த ‘தர்மகத்தா’ சித்தாந்தம் சுரண்டும் வர்க்கத்தின் கேடயமாக இருந்தது என்றால், இன்றைய ‘இந்துத்துவா’ என்பது அதே வர்க்கத்தின் கையில் இருக்கும் வாளாக மாறியுள்ளது என்று ஆசிரியர் சாடுகிறார். கார்ப்பரேட் நிறுவனங்களுக்கும் இந்துத்துவ அமைப்புகளுக்கும் இடையிலான ‘கூட்டுக் களவாணித் தனமே’ இந்தி யாவில் நவ பாசி சத்தைத் தீவிர மாக முன்னெடு த்துச் செல்கிறது. வெறுப்பு அரசியலும் அதிகாரக் குவிப்பும் வரலாறு, அறிவியல் ஆகியவற்றை மறுத்து, வெறும் கட்டுக்கதைகளையும் புனைவுகளையும் கொண்டு சங் பரி வாரங்கள் தங்களது சித்தாந்தத்தைக் கட்ட மைக்கின்றன. வாக்கு வங்கி அரசிய லுக்காகப் பெரும்பான்மை வாதத்தை முன்னிறுத்தி, வகுப்புவாதக் கலவரங்கள் மற்றும் பாபர் மசூதி இடிப்பு போன்ற நிகழ்வு கள் மூலம் வெறுப்பை விதைத்து ஆட்சியை பிடித்த மர்மங்களை இந்நூல் அம்பலப் படுத்துகிறது. சித்தாந்தப் போரின் அவசியம் ஹிட்லரின் நாசிசத்தையும், முசோலி னியின் பாசிசத்தையும் அடிப்படை யாகக் கொண்டு, இந்தியாவில் பெரும்பா ன்மைவாதக் கொடுங்கோன்மையாக உருவெடுத்துள்ள இந்த நவ பாசிசத்தை முறியடிக்க வேண்டியது காலத்தின் கட்டாயம். இதற்கு எதிரான பாட்டாளி வர்க்க சித்தாந்தப் போரைத் தீவிரமாக நடத்த வேண்டியதன் அவசியத்தை நூல் அழுத்தம் திருத்தமாக வலியுறுத்துகிறது. பாசிசத்தின் வேர்களைப் புரிந்து கொள்ளவும் அதை வீழ்த்தவும் விரும்பும் ஒவ்வொரு ஜனநாயகவாதியும் வாசிக்க வேண்டிய நூல் இது. பாசிசத்தின் இந்திய முகம் ஆசிரியர்: வே. மீனாட்சி சுந்தரம் வெளியீடு: சவுத் விஷன் புக்ஸ் (South Vision Books) பக்கங்கள்: 70 | விலை: ₹50
வளர்ச்சி எனும் வன்முறை : காந்தியப் பாதையில் ஓர் எச்சரிக்கை
“இந்த உலகம் ஒவ்வொரு மனி தனின் தேவைக்கும் போது மானதை வழங்குகிறது; ஆனால் ஒவ்வொ ருவரின் பேராசைக்கும் அல்ல” என்ற காந்தியச் சிந்தனையை அடிப்படையாகக் கொண்டு, இன்றைய சுற்றுச்சூழல் சீர்கேடு களைத் வெளிச்சமிடு கிறது. ப. திருமலை எழுதிய ‘காந்தியும் சுற்றுச்சூழலும்’ என்னும் நூல். மறைந்து வரும் சூரிய ஒளியும் மனிதப் பேராசையும் இந்தியாவின் வானம் இருண்டு கொண்டு வருவதாக ஆய்வுகள் எச்சரிக் கின்றன. தொழிற்சாலைகள் மற்றும் வாகனக் கழிவுகளால் சூரிய ஒளி ஊடுரு வுவது குறைந்து, மனித உடலில் வைட்ட மின்-டி உற்பத்தியும், விவசாய மகசூலும் பாதிக்கப்பட்டுள்ளன. வளர்ச்சி என்ற பெய ரில் இயற்கை வளங்களைச் சூறையாடு வது, விளைநிலங்களைக் கையகப்படுத்து வது என நாம் நிகழ்த்தும் ஒவ்வொன்றும் ஒருவகை ‘வன்முறை’ என்பதை ஆசிரியர் அழுத்தமாகப் பதிவு செய்துள்ளார். இதில் அதிகம் பாதிக்கப்படுவது தலித் மற்றும் பழங்குடியின மக்களே. நுகர்வோர் கலாச்சாரமும் காந்தியத் தீர்வும் அதிகப்படி யான நுகர் வோர் கலாச்சா ரம் தேவையற்ற கழிவுகளைக் கொண்ட சமூ கத்தையே உரு வாக்கும் என காந்தி அன்றே எச்சரித் தார். நீர், நிலம், காற்று என அனைத்தை யும் மாசுபடுத்தி வரும் நவீன பொருளா தாரத்திற்கு மாற்றாக, மகாத்மா முன் வைத்த எளிமை மற்றும் கிராமியத் தொழில்நுட்பத்தின் அவசியத்தை இந்நூல் வலியுறுத்துகிறது. போர்களும் ஆயுத உற்பத்தியும் சுற்றுச்சூழலுக்கு ஏற்படுத்தும் ஈடு செய்ய முடியாத இழப்பு களை உக்ரைன் போன்ற சமகால உதார ணங்களோடு ஆசிரியர் விளக்குகிறார். ஜனநாயகமும் மதச்சார்பின்மையும் சுற்றுச்சூழலோடு நின்றுவிடாமல், காந்தியின் ஜனநாயகம் மற்றும் மதச் சார்பின்மை குறித்த பார்வைகளையும் இந்நூல் விரிவாக அலசுகிறது. வறுமை, சாதியவாதம், வகுப்புவாதம் மற்றும் அரசியல் வன்முறைகளைக் களைந்தால் மட்டுமே உண்மையான ஜனநாயகம் மலரும் என்கிறார் ஆசிரியர். கருத்துச் சுதந்திரம் நசுக்கப்படும் இன்றைய சூழ லில், அனைத்து மதங்களையும் சமமாகப் பாவிக்கும் உண்மையான மதச்சார் பின்மையே இந்தியாவிற்குத் தேவை என்பதை காந்திய விழுமியங்கள் வழி இந்நூல் நிறுவுகிறது. சுற்றுச்சூழல், ஜனநாயகம், மதச்சார் பின்மை என மூன்று முக்கிய அத்தியா யங்களைக் கொண்ட இந்த ஆய்வு நூல், இயந்திரமயமான இன்றைய உலகில் நாம் எதை நோக்கிப் பயணிக்கிறோம் என்ற வினாவை எழுப்புகிறது. இயற்கை யின் இயல்பை உணர்ந்து, அடுத்த தலைமுறைக்காகப் பூமியைப் பாதுகாக்க விரும்புவோர் வாசிக்க வேண்டிய அவசிய மான படைப்பு இது. காந்தியும் சுற்றுச்சூழலும் ஆசிரியர்: ப. திருமலை வெளியீடு: மண் மக்கள் மனிதம் வெளியீடு, மதுரை விலை: ₹130 தொடர்புக்கு: 9865628989
நினைத்தாலே கனக்கும் : இலங்கை மண்ணின் ரணமும் மணமும்
முன்னாள் ஸ்டேட் வங்கி ஊழி யரும் முற்போக்கு எழுத்தாள ருமான அ. ஆறுமுகம், தனது இலங்கை பயண அனுபவங்களைப் ‘பதினாறு’ தலைப்புகளில் ‘நினைத்தாலே இனிக்கும்’ என்ற நூலாகப் பதிவு செய்துள்ளார். 2014-இல் தோழர்கள் நாறும்பூநாதன், முத்தையா, ஜெய்சிங், திலக் ஆகியோ ருடன் இணைந்து அவர் மேற்கொண்ட பயணத்தின் சுவாரசியமான தொகுப்பு இது. பயணப் பாதையும் பண்பாடும் கொழும்பு கட்டுநாயக்க விமான நிலையத்தில் தொடங்கி யாழ்ப்பாணம், வவுனியா, திருகோண மலை, முல்லைத்தீவு என வடக்கு முதல் தெற்கு வரை 10 நாட்கள் பயணித்த அனுபவங்களை எழுத்தாளர் மிக எளிமையாகப் பகிர்ந்துள்ளார். கொழும்புவில் அருந்திய ‘பெனிமால்’ பானம் முதல், இலங்கை எழுத்தாளர்களுடனான சந்திப்புகள் மற்றும் அவர்கள் வழங்கிய ‘மலையக’ நூல்கள் வரை பயணத்தின் ஒவ்வொரு கணமும் இதில் ஆவணப்படுத்தப்பட்டுள்ளன. ரணங்களின் சாட்சியம் இலங்கை என்றாலே நம் நினைவுக்கு வருவது போர்க்காலத் துயரங்கள்தான். யாழ்ப்பாணம் மற்றும் மலையகத் தமிழர்களின் வாழ்விடங்களுக்குச் சென்ற எழுத்தாளர், அங்கு நிலவும் சூழலையும் போரின் எஞ்சிய வடுக்களையும் நேரில் கண்டு பதிவு செய்துள்ளார். குறிப்பாக, ‘நந்திக்கடல்’ பகுதி குறித்த விவரிப்புகள், அங்கு நிகழ்ந்த உயிர் இழப்புகளையும் சிதைந்து போன கட்டிடங்களையும் நம் கண்முன் நிழலாடச் செய்கின்றன. அதே சமயம், மலையகத் தமிழர்களின் தேயிலைத் தோட்டத்து வாழ்க்கையையும் நூல் தொட்டுச் செல்கிறது. அரசியல் நம்பிக்கையும் அர்ப்பணிப்பும் இலங்கையின் தற்போதைய அரசியல் மாற்றங்கள் மற்றும் இடதுசாரிப் பார்வைகொண்ட அரசின் மீதான நம்பிக்கையோடு நூல் நிறைவடைகிறது. 12 ஆண்டுகளுக்கு முந்தைய நிகழ்வுகளைத் துல்லியமாக நினைவுகூர்ந்து எழுதியுள்ள ஆசிரியர், இந்நூலைத் தோழர் நாறும்பூநாதனுக்கு அர்ப்பணித்தது போன்ற உணர்வை வாசகர்களுக்குத் தருகிறார். ஈழ தேசத்திற்குப் பயணம் செய்ய விரும்புவோருக்கு இது ஒரு சிறந்த கையேடாகவும், நினைவுக் குறிப்பாகவும் அமையும். நினைத்தாலே இனிக்கும் ஆசிரியர்: அ. ஆறுமுகம் பதிப்பகம்: அன்பாலயம் பக்கங்கள்: 96 | விலை: ₹180