பேசு... பேசு... பேசு...
பேசு! உன் உதடுகள் சுதந்திரமானவை பேசு! நாக்கு இப்போதும் உன்னுடையதே! பேசு! பற்களும் இப்போது உன்னுடையதே! பேசு! உனது வாழ்க்கை இப்போதும் உன்னுடையதே! உலைக்களத்திற்கு உள்ளே பார்! எழுந்தாடும் தீயின் நாக்குகள்! பழுத்துச் சிவந்த இரும்புப் பூட்டை உடைத்து வாயைத் திற! இறுகப்பூட்டிய சங்கிலிகளைப் அறுத்தெறி உடனே! பேச இருக்கும் நேரம் குறைவுதான் என்றாலும் பேசப் போதுமானது! உடல் அழிந்து போகும் முன் நாக்கு மரத்துப் போகும் முன் இருக்கும் நேரம் குறைவுதான் – ஆம் குறைவுதான் என்றாலும் இருக்கும் நேரம் போதுமானது! பேசு! பேசு! பேசு! இப்போது நீ உயிருடன்தான் இருக்கிறாய்! பேசு! பேசு! பேசு! பேச வேண்டியது அனைத்தையும் இப்போதே பேசிவிடு! ஃபெய்ஸ் அஹமது ஃபெய்ஸ் : 13 பிப்ரவரி 1911 – 20 நவம்பர் 1984. பஞ்சாபியிலும் உருதிலும் எழுதிய கவிஞர். எழுத்தாளர் .கம்யூனிஸ்ட் . இன்றைக்கு பாகிஸ்தானில் உள்ள பஞ்சாபில் பிறந்தவர் . தகவல்: சுபொஅ.