தேசம்

உத்தரகண்ட் வாக்காளர் பட்டியலில் 8 லட்சம் பெயர்கள் நீக்கப்பட்டுள்ளன. இது திட்டமிட்ட வாக்குத் திருட்டு என காங்கிரஸ் குற்றம் சாட்டியுள்ளது. நீக்கப்பட்ட பெயர்களை மீண்டும் சேர்க்க வலியுறுத்தப்பட்டுள்ளது.

தில்லியில் செய்தி சேகரிக்கச் சென்ற மூன்று பெண் பத்திரிகையாளர்களுக்குக் காவல்துறை பாலியல் தொல்லை அளித்ததாகப் புகார் எழுந்துள்ளது. இதற்குப் பிருந்தா காரத் மற்றும் பத்திரிகை ஆணையம் கடும் கண்டனம் தெரிவித்துள்ளன.

தில்லி தரியாகஞ்சில் டி.ஒய்.எப்.ஐ-ன் புதிய மத்தியக் குழு அலுவலகமான ‘ஷாஹீத் பகத் சிங் பவன்’ திறக்கப்பட்டது. சிபிஎம் தலைவர் எம்.ஏ. பேபி இதனைத் திறந்து வைத்தார். இதில் பிருந்தா காரத் உள்ளிட்ட பல தலைவர்கள் பங்கேற்றனர்.

தாமஸ் ஐசக் புகாரைத் தொடர்ந்து தலைமைத் தேர்தல் ஆணையர் ஞானேஷ் குமார் மீது விசாரணை நடத்த கேரள அரசு உத்தரவிட்டுள்ளது. 2006-ம் ஆண்டு ஊழல் வழக்கு தொடர்பாக லஞ்ச ஒழிப்புத்துறை மீண்டும் விசாரணையைத் தொடங்கியுள்ளது.

காங்கிரஸ் தலைவர் மல்லிகார்ஜுன கார்கே
இன்று, ஒட்டுமொத்த நாடே சட்டவிரோதத் தேர்தல்களின் அடிப்படையில் இயங்குகிறது.

தேர்தல் ஆணையத்தின் எஸ்.ஐ.ஆர் பணிகளில் உள்ள முறைகேடுகளை ஆராய முன்னாள் நீதிபதி மதன் பி. லோகுர் தலைமையில் குழு அமைக்கப்பட்டுள்ளது. இக்குழு 2026 டிசம்பருக்குள் தனது அறிக்கையை சமர்ப்பிக்கும்.

ஆசிய விளையாட்டுப் போட்டியில் மலேசியாவை 5-1 என்ற கணக்கில் வீழ்த்தி இந்திய ஆடவர் ஹாக்கி அணி தங்கம் வென்றது. இதன் மூலம் 2028 ஒலிம்பிக் போட்டிக்கு தகுதி பெற்று வரலாற்றுச் சாதனை படைத்துள்ளது.

ஜார்க்கண்டில் படிவம்-7 மூலம் 13,443 வாக்காளர்களை நீக்க விண்ணப்பங்கள் சமர்ப்பிக்கப்பட்டுள்ளன. சத்ரா தொகுதியில் மட்டும் 4,790 பேர் நீக்கப்பட உள்ளனர். இறுதி வாக்காளர் பட்டியல் அக்டோபர் 19 அன்று வெளியாகிறது.

மேற்கு வங்கத்தின் பீரட்டி பகுதியில் எஸ்.எப்.ஐ நடத்திய பேரணியில் பாஜகவினர் கொலைவெறித் தாக்குதல் நடத்தினர். இதில் 15 பேர் காயமடைந்த நிலையில், காவல்துறையினர் எஸ்.எப்.ஐ நிர்வாகிகளையே கைது செய்துள்ளனர்.

திருப்பதி அருகே ஸ்ரீசிட்டி தொழிற்சாலையில் பாய்லர் வெடித்த விபத்தில் 4 பேர் உயிரிழந்தனர். கட்டிட இடிபாடுகளில் சிக்கிய 10-க்கும் மேற்பட்டோர் மீட்கப்பட்டு மருத்துவமனையில் அனுமதிக்கப்பட்டுள்ளனர்.

மகாராஷ்டிராவின் சம்ருத்தி விரைவுச்சாலையில் லாரி மற்றும் டெம்போ மோதிய விபத்தில் 7 பேர் உயிரிழந்தனர். துர்கா சிலையை வாங்கிவிட்டு திரும்பியபோது இந்த விபத்து நிகழ்ந்தது. காயமடைந்த 15 பேர் சிகிச்சை பெற்று வருகின்றனர்.

ஞானேஷ் குமார் ராஜினாமா செய்யாவிட்டால் அக். 10 தில்லியை நோக்கிப் பேரணி!
மும்பை போராட்டத்திற்குப் பின்பு கரப்பான் பூச்சி ஜனதா கட்சி அறிவிப்பு
புதுதில்லிவாக்காளர் பட்டியலின் சிறப்புத் தீவிரத் திருத்தம் (எஸ்.ஐ.ஆர்) உள்ளிட்ட தேர்தல் முறைகேடுகளுக்கும், பிற தேர்தல்ஆணையர்களின் குற்றச்சாட்டுகளுக்கும் முழுப்பொப்பேற்றுத் தலைமைத்