மகாராஷ்டிராவில் கோர விபத்து 7 பேர் பலி!

<p><strong>மகாராஷ்டிராவில் கோர விபத்து 7 பேர் பலி!</strong></p><p>மகாராஷ்டிராவின் வார்தா பகுதியைச் சேர்ந்த 20க்கும் மேற்பட்ட கிராம மக்கள், தசரா பண்டிகைக்காக துர்கா சிலையை வாங்க ஷேகான் பகுதிக்கு டெம்போ வேன் ஒன்றில் சென்றனர். சிலையைப் வாங்கிய பின்பு வெள்ளிக்கிழமை நள்ளிரவு தங்களது சொந்த ஊருக்குத் திரும்பிக் கொண்டிருந்தனர்.</p><p>சனிக்கிழமை அதிகாலை 12.45 மணியளவில் அமராவதி மாவட்டம், தமன்காவ் ரயில் நிலையம் அருகே உள்ள சம்ருத்தி விரைவுச்சாலையில் வந்துகொண்டிருந்தபோது, கட்டுப்பாட்டை இழந்த 16 சக்கரங்கள் கொண்ட ராட்சத </p><p>சரக்கு லாரி டெம்போ வேன் மீது பலமாக மோதியது.</p><p>இந்த கோர விபத்தில் சம்பவ இடத்திலேயே 5 பேர் உயிரிழந்தனர். விபத்து குறித்துத் தகவல் அறிந்ததும் சம்பவ இடத்திற்கு விரைந்து வந்த காவல்துறையினர், இடிபாடுகளில் சிக்கியவர்களை மீட்டு அருகில் உள்ள மருத்துவமனைகளுக்கு அனுப்பி வைத்தனர். அங்கு தீவிர சிகிச்சை பிரிவில் அனுமதிக்கப்பட்டிருந்தவர்களில் மேலும் 2 பேர் சிகிச்சை பலனின்றி உயிரிழந்தனர். இதனால் பலியானோரின் மொத்த எண்ணிக்கை 7 ஆக உயர்ந்துள்ளது. மேலும், படுகாயமடைந்த 15க்கும் மேற்பட்டோர் மருத்துவமனையில் தொடர் சிகிச்சையில் உள்ளனர்.</p><p><br></p>