கொச்சி, மார்ச் 17- கேரளாவில் உள்ள மகாத்மா காந்தி பல்கலைக்கழக கல்லூரி மாணவர் பேரவைத் தேர்தலில் இந்திய மாணவர் சங்கம் (எஸ்எப்ஐ) தொடர் வெற்றியை பெற்று சாதனை படைத்தது. தேர்தல் நடைபெற்ற 126 கல்லூரிகளில் 117 இல் எஸ்எப்ஐ அமோக வெற்றி பெற்றது. எர்ணாகுளம் மாவட்டத்தில் மொத்தமுள்ள 41 கல்லூரிகளில் 37ல் எஸ்எப்ஐ நிர்வாகிகள் வெற்றி பெற்றுள்ள னர். மகாராஜா கல்லூரியின் முழு இடத்தை யும் எஸ்எப்ஐ வரலாற்றுப் பெரும்பான்மை யுடன் வென்றது. எடத்தலாவில் 14 இடங்களில் 13 இல் எஸ்எப்ஐ வெற்றி பெற்றது. எஸ்எப்ஐ வேட்பாளரின் வேட்புமனு நிராகரிக்கப்பட்ட தைத் தொடர்ந்து கேஎஸ்யு ஒரு இடத்தில் வெற்றி பெற்றது. காலடி ஸ்ரீசங்கரா மற்றும் ஆலுவா யுசியில் கேஎஸ்யு சங்கத்தை தக்க வைத்துக் கொண்டது.
எர்ணாகுளம் அரசு சட்டக் கல்லூரியில் தலைவர், பொதுச் செய லாளர், துணைத் தலைவர் ஆகிய இடங் களைத் தவிர அனைத்து இடங்களிலும் வெற்றி பெற்று யூனியனை எஸ்எப்ஐ தக்க வைத்துக் கொண்டது. சுண்டி பாரத்மாதா சட்டக் கல்லூரியில் கேஎஸ்யு தேர்ச்சிபெற்றது. கோட்டயம் மாவட்டத்தில் உள்ள 39 கல்லூரிகளில் 38 கல்லூரிகளில் தேர்ச்சி பெற்று வரலாறு படைத்தது எஸ்எப்ஐ. மாவட்டத்தில் எஸ்எப்ஐ-யை தோற்கடிக்க கேஎஸ்யு மற்றும் ஏபிவிபி சமீபத்தில் பல்வேறு வளாகங்களில் வன்முறையை கட்டவிழ்த்துவிட்டது. அந்த அமைப்பினரின் வன்முறை அரசியலை தனிமைப்படுத்தி, எஸ்எப்ஐ-யை நெஞ்சில் நிறுத்திய மாவட்ட மாணவர்களுக்கு எஸ்எப்ஐ மாவட்டச் செய லாளர் எம்.எஸ்.தீபக், தலைவர் ஜஸ்டின் ஜோசப் ஆகியோர் வாழ்த்து தெரிவித்தனர்.
பத்தனம்திட்டா மாவட்டத்திலும் எஸ்எப்ஐ வெற்றி பெற்றது. 18 கல்லூரிகளில் 17இல் எஸ்எப்ஐ ஆதிக்கம் செலுத்தியது. பத்தனம்திட்டா கத்தோலிக்கேட் கல்லூரி யில் மொத்தம் உள்ள 14 இல் 13 இடங்களில் எஸ்எப்ஐ போட்டியின்றி வெற்றி பெற்றது. தலைவர் பதவிக்கு மட்டும் தேர்தல் நடந்தது. பல்வேறு கல்லூரிகளில் இருந்து 30 பல்கலைக்கழக யூனியன் கவுன்சிலர்கள் எஸ்எப்ஐயிலிருந்து தேர்ந்தெடுக்கப்பட்டனர். பத்தனம்திட்டா மாவட்டத்தில் வரலாற்று வெற்றிக்கு துணை நின்ற அனைத்து மாண வர்களுக்கும் எஸ்எப்ஐ மாவட்டத் தலைவர் அமல் ஆபிரகாம், செயலாளர் சரத் சசிதரன் ஆகியோர் வாழ்த்து தெரிவித்தனர். இடுக்கி மாவட்டத்தில் தேர்தல் நடந்த 27 கல்லூரிகளில் 24 இல் எஸ்எப்ஐ வெற்றி பெற்றுள்ளது. இடுக்கி அரசு பொறி யியல் கல்லூரியில் தீரஜை கத்தியால் குத்தி யவர்களுக்கு மாணவர்கள் விடுத்த எச்சரி க்கையாக வெற்றி பதிவு செய்யப்பட்டுள் ளது. இம்மாவட்டத்தில் வேட்பு மனுக்கள் சமர்ப்பிப்பு முடிந்ததும், எஸ்எப்ஐ 17 கல்லூரி களில் போட்டியின்றி தேர்ந்தெடுக்கப்பட்டது. தொடுபுழா அல் அசார் கல்லூரி, மேற்கு கூட்டுறவு சட்டக் கல்லூரி, ஸ்ரீ நாராயணா கல்லூரி உட்பட 24 கல்லூரிகளில் எஸ்எப்ஐ வெற்றி பெற்றது.