இதற்கு முன்பு இல்லாத சாதனை 75 பொறியியல் கல்லூரிகளில் 98 சதவிகித இடங்கள் நிரம்பின
சென்னை, ஆக. 28 - பொறியியல் கல்லூரி படிப்புகளில் சேருவ தற்கான கலந்தாய்வு கடந்த மாதம் ஜூலையில் தொடங்கியது. சிறப்புப் பிரிவு, பொதுப் பிரிவு, அரசுப் பள்ளி மாணவ-மாணவிகளுக்கான 7.5 சதவிகித உள் ஒதுக்கீட்டு பிரிவினருக்கான கலந்தாய்வு, துணைக் கலந்தாய்வு என அனைத்தும் நிறைவு பெற்ற நிலை யில், நேற்று எஸ்.சி.ஏ. பிரிவில் இருந்து எஸ்.சி. பிரிவுக்கு இடங்கள் மாற்றப் பட்டு, அதற்கான கலந்தாய்வும் நடந்து முடிந்தது. ஒட்டுமொத்தமாக 2025-26ஆம் ஆண்டுக்கான கலந்தாய்வு நிறைவு பெற்றுள்ளது. மொத்தமாக 1 லட்ச த்து 90 ஆயிரத்து 494 இடங்களில் 1 லட்சத்து 53 ஆயிரத்து 966 இடங்கள் நிரம்பியுள்ளன. 36,528 இடங்கள் மட்டுமே காலியாக உள்ளன. கடந்த ஆண்டு 49,579 இடங்கள் காலியாக இருந்தன என்பது குறிப்பிடத்தக்கது. இந்த ஆண்டு மாணவர் சேர்க்கை யை பொறுத்தவரையில், கடந்த 6 ஆண்டுகளைக் காட்டிலும் சிறப்பாக நடைபெற்றுள்ளது. இதுவரை இல்லாத அளவில் 75 கல்லூரி களில் 98 சதவீதத்துக்கு மேல் இடங்கள் நிரம்பியுள்ளதாக கல்வியாளர் ஜெயபிரகாஷ் காந்தி தெரி வித்துள்ளார். இதற்கான காரணம் குறித்து அவர் கூறுகையில், பொறியியல் படிப்புகள் மீதான மோகம் அதிகரித்திருப்பது, நீட் தேர்வு இந்த ஆண்டு கடினமாக இருந்தது ஆகியவை முக்கிய காரணமாக பார்க்கப்படுகிறது. மேலும் இந்த ஆண்டு முக்கியப் படிப்புகளில் முந்தைய ஆண்டுகளைக் காட்டிலும் பெரும்பாலானவர்கள் சேர ஆர்வம் காட்டியுள்ளனர் என்றார். 105 கல்லூரிகளில் 90 முதல் 97 சத விகிதம் வரையிலான இடங்களும், 59 கல்லூரிகளில் 80 முதல் 90 சத விகிதம் வரையிலான இடங்களும், 103 கல்லூரிகளில் 50 முதல் 79 சதவிகிதம் வரையிலான இடங்களும், 74 கல்லூரிகளில் 10 முதல் 49 சதவிகிதம் வரையிலான இடங்களும் நிரம்பியுள்ளன. 7 கல்லூரிகளில் மட்டும் ஒற்றை இலக்கத்தில் மாணவர் சேர்க்கை இருந்துள்ளது என்று குறிப்பிட்டுள்ளார்.