சென்னை
தமிழகத்தில் கொரோனா பரவல் வேகம் தினசரி அதிகரித்து வருகிறது. இதனை கட்டுப்படுத்த பல்வேறு நடவடிக்கை எடுக்கப்பட்டாலும் வைரஸின் பரவல் மின்னல் வேகத்தில் தான் உள்ளது. குறிப்பாக பொதுமக்கள் மட்டுமல்லாது அரசுத்துறை உயரதிகாரிகள், காவல்துறை அதிகாரிகள், எம்எல்ஏ-க்கள், அமைச்சர்கள் என அனைவருக்கும் கொரோனா தொற்று ஏற்பட்டுள்ளது. இதுவரை 8 எம்எல்ஏ-க்கள் கொரோனாவால் பாதிக்கப்பட்டுள்ளனர். இதில் அமைச்சர் கே.பி. அன்பழகனும் அடங்கும்.
இந்நிலையில் முன்னாள் அமைச்சரும், ஆலந்தூர் தொகுதி முன்னாள் எம்எல்ஏ-வுமான பா.வளர்மதிக்கு கொரோனா தொற்று இருப்பது உறுதி செய்யப்பட்டுள்ளது. இதனையடுத்து சென்னை போரூர் ராமசந்திரா மருத்துவமனையில் சிகிச்சைக்காக அனுமதிக்கப்பட்டுள்ளார்.