சென்னை;
தமிழகத்தில் தீபாவளி பண்டிகையன்று 106 தீ விபத்துகள் ஏற்பட்டுள்ளதாக தீயணைப்புத்துறை தெரிவித்துள்ளது.இதுதொடர்பாக தீயணைப்புத்துறை வெளியிட்டுள்ள அறிக்கையில் கூறியிருப்பதாவது:
தீபாவளி நாளில் 106 தீ விபத்துகள் நிகழ்ந்துள்ளன. இதில், ராக்கெட் வெடியால் 84 தீ விபத்துகளும், மற்ற பட்டாசுகளால் 22 விபத்துகளும் ஏற்பட்டுள்ளன. சென்னையில் மட்டும் 40 இடங்களில் பட்டாசுகள் வெடித்ததன் காரணமாக தீ விபத்து நேரிட்டுள்ளது. இதில், ராக்கெட் வெடியால் 33 தீ விபத்துகளும், மற்ற பட்டாசுகளால் 7 விபத்துகளும் ஏற்பட்டுள்ளது.தீ விபத்துகளில் 90 சதவீதம் மாலை 7 மணியில் இருந்து இரவு 10 மணிக்குள் நேரிட்டுள்ளது. தீவிபத்து குறித்து 57 அழைப்புகள் வந்துள்ளன.இவ்வாறு அதில் தெரிவிக்கப்பட்டுள்ளது.