வேலூர், ஏப். 4-
வேலூர் விஐடி பல்கலைக்கழக தினவிழா, விளையாட்டு விழா சனிக்கிழமை (ஏப்.6) அண்ணா அரங்கில் காலை 11 மணிக்கு நடைபெறவுள்ளது. இதில், சென்னை உயர் நீதிமன்ற நீதிபதி டி.ராஜா சிறப்பு விருந்தினராகப் பங்கேற்று 2,142 மாணவ, மாணவிகளுக்கு கல்வி, விளையாட்டு ஊக்கத் தொகையாக ரூ. 90 லட்சம் வழங்க உள்ளார்.விழாவுக்கு விஐடி வேந்தர் ஜி.விசுவநாதன் தலைமை வகிக்கிறார். துணைத் தலைவர் சேகர் விசுவநாதன் முன்னிலை வகிக்கிறார். துணைவேந்தர் ஆனந்த் ஏ.சாமுவேல் வரவேற்கிறார்.