தஞ்சாவூர் ஆக.26- அதிராம்பட்டினம் லயன்ஸ் சங்கம் சார்பில் மரக்கன்றுகள் நடும் விழா திங்கட்கிழமை நடைபெற்றது. நிகழ்ச்சிக்கு லயன்ஸ் சங்கத் தலைவர் எம்.அப்துல் ஜலீல் தலைமை வகித்தார். செயலாளர் எம்.நிஜாமுதீன் முன்னிலை வகித்தார். நிகழ்ச்சியை லயன்ஸ் சங்க மாவட்ட பசுமை புரட்சி தலைவர் எஸ்.எம்.முகமது முகைதீன் தொடங்கி வைத்தார். அன்னை தெரசா தினத்தை முன்னிட்டு பசுமையை வலியுறுத்தி அதிராம்பட்டினம் பிரதான சாலையோரங்களில் வேங்கை உள்ளிட்ட மரக்கன்றுகள் நடப்பட்டன. மேலும் மரக்கன்றுகளை பாதுகாக்க கூண்டுகள் வைக்கப்பட்டன. லயன்ஸ் சங்க இயக்குநர்கள் எஸ்.ஏ.அப்துல் ஹமீது, எம்.அகமது, எம்.அப்துல் ரஹ்மான், குப்பாசா அகமது கபீர், முகமது அப்துல்லா உள்ளிட்ட பலர் கலந்து கொண்டனர்.
