திருச்சிராப்பள்ளி, ஆக,18- விடுதலை சிறுத்தை கட்சி தலைவர் தொல்.திருமாவளவன் பிறந்த நாளை முன்னிட்டு திருச்சி தெற்கு மாவட்டம் சார்பில் மாவட்ட செயலாளர் முத்தழகன் தலைமையில் கட்சி ஏற்றி குழந்தைகளுக்கு நோட்டு, பேனா வழங்கப்பட்டது. ஊடகப்பிரிவு மாநில துணை செயலாளர் ரமேஷ்குமார், நாடாளுமன்ற தொகுதி செயலாளர் தங்கதுரை, மாநில துணை செயலாளர் சந்திரசேகரன், மாநில துணை செயலாளர் அரசு, திலீபன் ரமேஷ், மாவட்ட அமைப்பாளர் பழனியப்பன், தீனா மற்றும் மாவட்ட ஒன்றிய நகர முகாம் பொறுப்பாளர்கள், அறம் மக்கள் நலச்சங்க உறுப்பினர்கள் கலந்து கொண்டனர். பிறந்த நாள் கொடியேற்று விழா திருவெறும்பூர், மணப்பாறை உள்பட 20 இடங்களில் நடைபெற்றது. திருச்சி மாநகரில் கீரைக்கொல்லை, கல்பாளையம், தாராநல்லூர் பகுதியில் கொடியேற்றம் மற்றும் அன்னதானம் நடைபெற்றது.
பொன்னமராவதி
புதுக்கோட்டை பொன்னமராவதி ஒன்றிய விடுதலைச் சிறுத்தைகள் கட்சி சார்பில் பேருந்து நிலையம் அருகில் கட்சி நகர செயலாளர் மலை.தேவேந்திரன் தலைமையில் நடைபெற்றது. கட்சியின் கொடியை மாவட்ட நிர்வாகி சின்னு பழகு ஏற்றி வைத்தார். கல்வி உபகரணங்களை நகர மாவட்ட நிர்வாகிகள் பொன்.தமிழரசன், மலை.செந்தில்குமார் வழங்கினர். புதிதாக கட்சியில் இணைந்த 10 இளைஞர்களை கட்சியின் தெற்கு ஒன்றிய துணைச் செயலாளர் பொன் சேதுராமன் வரவேற்றார்.
