வக்பு சட்டத் திருத்த மசோதாவுக்கு எதிராக திமுக வழக்குத் தொடரும்
வக்பு சட்டத் திருத்த மசோதாவுக்கு எதிராக திமுக வழக்குத் தொடரும் என்றும் இந்த போராட்டத்தில் தமிழ்நாடு போராடும் வெற்றி பெறும் என்றும் ஏப்ரல் 3 அன்று சட்டப்பேரவையில் முதலமைச்சர் மு.க.ஸ்டாலின் அறிவித்தார். இஸ்லாமியர்களுக்கு எதிரான வக்பு வாரிய சட்டத் திருத்த மசோதாவை புதன்கிழமையன்று (ஏப்.2) மக்களவையில் ஒன்றிய அமைச்சர் கிரண் ரிஜிஜூ தாக்கல் செய்தார். நள்ளிரவு 2 மணி அளவில் நடைபெற்ற வாக்கெடுப்பில் பாஜக மற்றும் அதன் சில கூட்டணி கட்சிகள் என மொத்தம் 288 பேர் ஆதரவு தெரிவித்தனர். இந்த மசோதாவுக்கு எதிராக இந்தியா கூட்டணி கட்சி உறுப்பினர்கள் 232 பேர் வாக்களித்தனர். இதைத்தொடர்ந்து பெரும்பான்மை பெற்ற பாஜக இந்த மசோதாவை மக்களவையில் நிறைவேற்றியுள்ளது. பாஜக அரசுக்கு கண்டனம் இந்த நிலையில், தமிழ்நாடு சட்டப்பேரவை வியாழக்கிழமை (ஏப்.3) காலை 9.30 மணிக்கு கூடியதும், ஒன்றிய பாஜக அரசு வக்பு சட்ட திருத்த மசோதா வை நிறைவேற்றியதற்கு
எதிர்ப்பு தெரி வித்து முதலமைச்சர் மு.க.ஸ்டாலின் பேசிய தாவது:
“நமது நாட்டின் மத நல்லிணக்கத்திற்கு, சிறுபான்மையின இஸ்லாமிய சமுதாய மக்களுக்கு கடுமை யான பாதிப்புகளை ஏற்படுத்தும் வகை யில், 1995-ஆம் ஆண்டின் வக்பு சட்டத்தி னைத் திருத்துவதற்கு மக்களவையில் அறிமுகம் செய்துள்ள வக்பு சட்டத் திருத்த முன்வரைவை முழுமையாகத் திரும்பப் பெற வேண்டும் என்று மார்ச் 27 அன்று ஒரு தீர்மானம் கொண்டு வந்தோம். பாஜக நீங்கலாக அனைத்துக் கட்சிகளும் ஒரு மனதாக ஏற்றுக் கொண்டு நிறைவேற்றப் பட்டது. இந்தியாவில் இருக்கும் பெரும்பா லான அரசியல் கட்சிகளால் இந்த வக்பு சட்டத் திருத்தம் எதிர்க்கப்பட்டது. இவை அனைத்தையும் மீறி நாடாளுமன்ற மக்களவையில் வக்பு சட்டத் திருத்தம் நிறை வேற்றப்பட்டிருப்பது மிகுந்த கண்டனத்துக்குரியது. வக்பு சட்டத் திருத்த மசோதாவுக்கு எதிராக 232 நாடாளுமன்ற உறுப்பினர்கள் வாக்களித்துள்ளார்கள். ஆதரவாக 288 உறுப்பினர்கள் வாக்களித்துள்ளார்கள். இந்தச் சட்டத் திருத்த மசோதாவானது நிறை வேற்றப்பட்டு இருந்தாலும் எதிர்த்து வாக்க ளித்தவர்களின் எண்ணிக்கை 232 என்பது சாதாரணமான எண்ணிக்கை அல்ல, எண்ணிக்கை கூடுதலாகக் கிடைத்திருக்க லாம். ஆனால், இந்தச் சட்டத் திருத்தம் எதிர்க்கப்பட வேண்டியது மட்டுமல்ல; முழுமையாகத் திரும்பப் பெற வேண்டியது என்பதுதான் நம் கருத்து. அதைத்தான் நாம் இங்கே தீர்மானமாக நிறைவேற்றி அனுப்பியிருந்தோம்”என்றார்.‘ கருப்பு சின்னம் ஏன்? “இந்தியாவில் இருக்கும் பெரும் பான்மைக் கட்சிகளின் எதிர்ப்பையும் மீறி ஒரு சில கூட்டணிக் கட்சிகளின் தயவால் அதிகாலை 2 மணி அளவில் இத்தகைய சட்டத்தை நிறைவேற்றி இருப்பது இந்திய அரசியல் சட்டத்தின் கட்டமைப்பின் மீது செய்யப்பட்ட தாக்குதல்; மத நல்லி ணக்கத்தை குலைக்கும் செயல். இதனை உணர்த்தும் வகையில் கருப்புச் சின்னத்தை அணிந்து பேரவை நடவடிக்கைகளில் நாங்கள் பங்கெடுக்கிறோம் ”என்றும் முதலமைச்சர் குறிப்பிட்டார். திமுக சார்பில் வழக்கு “சர்ச்சைக்குரிய இந்த சட்டத்திருத்தத்து க்கு எதிராக உச்சநீதிமன்றத்தில் திமுக சார்பில் வழக்கு தாக்கல் செய்யப்படும். வக்பு வாரியத்தின் தன்னாட்சியை அழித்து, சிறுபான்மை இஸ்லாமிய மக்க ளுக்கு அச்சுறுத்தலை ஏற்படுத்தும் ஒன்றிய அரசின் சட்டத்திற்கு எதிராக தமிழ்நாடு போராடும்! போராடும்! போராடும்! அதில் வெற்றியும் பெறும். அரசியலமைப்புச் சட்டத்தின் மீதான தாக்குதலை சட்டப் பூர்வ மாகவே தடுப்போம்” . இவ்வாறு முதலமைச்சர் பேசினார். முதலமைச்சரின் அறிவிப்பை எதிர்த்து பாஜக சட்டமன்ற உறுப்பினர்கள் வெளி நடப்பு செய்தனர்.