புதுக்கோட்டை மாவட்டத்தில் 1.40 லட்சம் வாக்காளர்கள் நீக்கம்
புதுக்கோட்டை, டிச. 13- புதுக்கோட்டை மாவட்டத்தில் நடைபெற்று வரும் வாக்கா ளர் பட்டியல் சிறப்பு தீவிர திருத்தப் பணிகளில், இதுவரை 1.40 லட்சம் வாக்காளர்கள் நீக்கப்பட்டுள்ளதாக மாவட்ட ஆட்சி யரும், மாவட்டத் தேர்தல் அலுவலருமான மு.அருணா தெரிவித்தார். வாக்காளர் பட்டியல் சிறப்பு தீவிர திருத்தப் பணிகள் குறித்து அங்கீகரிக்கப்பட்ட அரசியல் கட்சிகளின் பிரதிநிதி களைக் கொண்ட ஆலோசனைக் கூட்டத்தில் புதுக்கோட்டை மாவட்ட ஆட்சியர் மு.அருணா மேலும் கூறுகையில், “மாவட்டத்திலுள்ள 13,94,112 மொத்த வாக்காளர்களில் 12,53,472 வாக்காளர்களின் கணக்கெடுப்புப் படிவங்கள் திரும்பப் பெறப்பட்டு இணையத்தில் பதிவேற்றம் செய்யப் பட்டுள்ளன. 1,40,640 வாக்காளர்கள் இறப்பு, இடமாற்றம், முகவரியில் இல்லாதது, இரட்டைப் பதிவு ஆகியப் பிரிவு களில் இருப்பதாக கண்டறியப்பட்டுள்ளது. இந்தப் பட்டியல் முழுமையும் அரசியல் கட்சிகளின் அந்தந்தப் பகுதி வாக்குச் சாவடி நிலை முகவர்களுக்கு வழங்கப்பட்டுள்ளது. அவற்றை அவர்கள் சரிபார்த்து வரும் டிச. 11-ஆம் தேதிக்குள் உறுதி செய்ய வேண்டும். அதன்பிறகு, டிச. 16-ஆம் தேதி வரைவு வாக்காளர் பட்டியல் வெளியிடப்படும்” என அவர் கூறினார்.