உலக டெஸ்ட் சாம்பியன்ஷிப் தொடருக்காகப் பெயருடன் எண்களும் சேர்த்துப் பொறிக்கப்பட்ட புதுவகை யான ஜெர்ஸி அறிமுகம் செய்யப்பட்டது. இங்கிலாந்து - ஆஸ்திரேலியா அணிகள் விளையாடி வரும் ஆஷஸ் தொடரில் அறிமுகம் செய்யப்பட்ட இந்த புதுவகையான ஜெர்ஸியை முன்னாள் வீரர்கள் பலர் கிண்டல் செய்து நகையாடினர். ஆனால் சர்வதேச கிரிக்கெட் வாரியம் (ஐசிசி) அதனைக் கண்டுகொள்ளவில்லை. இந்நிலையில், இந்திய கிரிக்கெட் அணி விண்டீஸ் அணியுடன் உலக டெஸ்ட் சாம்பியன்ஷிப் தொடரில் வியாழனன்று அடியெடுத்து வைக்கிறது. இந்த தொடருக்கான எண், பெயர் கொண்ட புதுவகை ஜெர்ஸியை இந்திய வீரர்கள் அணிந்த புகைப்படம் சமூக வலைத்தளத்தில் வெளியாகி வைரலாகி வருகிறது.
