ராயகடா, மே 10- அரசு பணத்தை முறைகேடாக பயன்படுத்தியதற்காக இந்திய ரிசர்வ் பட்டாலியனின் (ஐஆர்பிஎன்) மூன்று போலீஸ் கான்ஸ்டபிள்கள் ஒடிசாவின் ராயகடா மாவட்டத்தில் கைது செய்யப்பட்டனர். இந்த மூன்று கான்ஸ்டபிள்களும் ராயகடா மாவட்டத்தில் குண்பூர் காவல் நிலைய எல்லைக்குட்பட்ட இரண்டாவது ஐஆர்பிஎன் பாமினி முகாமில் பணியாற்றி வந்தனர். இவர்கள் பட்டாலியன் கணக்கிலிருந்து கொடுப்பனவு (டிஏ) மற்றும் முறையான முதலீட்டு திட்டம் (எஸ்ஐபி) ஆகியவற்றிற்கான பணம் ரூ.3,45,802-ஐ முறைகேடாகப் பயன்படுத்தியுள்ளனர். இது தொடர்பாக முகாம் தளபதி திலீப் குமார் மொஹாபத்ராவின் அறிக்கையை அடிப்படையாகக் கொண்டு, காவல்துறையினர் விசாரணையைத் தொடங்கினர். இந்த நிலையில் அவர்களை கைது செய்ய தென்மேற்கு எல்லை டி.ஐ.ஜி கே.ஷெபீன் அஹமது உத்தரவிட்டுள்ளார்.
