உலக இளையோர் செஸ் சாம்பியன்ஷிப் போட்டியில், தமிழகத்தை சேர்ந்த பிரக்ஞானந்தா தங்க வென்றார்.
உலக இளையோர் செஸ் சாம்பியன்ஷிப் போட்டி மும்பையில் நடந்து வருகிறது. இதில் நேற்று நடந்த 10வது சுற்று ஆட்டத்தில், 18 வயதுக்கு உட்பட்டோருக்கான பிரிவில், கிராண்ட்மாஸ்டரான சென்னையை சேர்ந்த பிரக்ஞானந்தா (வயது 14), லிதுவேனியாவின் பாவ்லிஸ் பல்டினிவிசியசை எதிர்கொண்டார். இதில் பிரக்ஞானந்தா 63வது காய் நகர்த்தலில் வெற்றி பெற்றார். இதனால் மொத்தம் 8.5 புள்ளிகளுடன் தங்கப்பதக்கம் வெல்லும் வாய்ப்பை நெருங்கினார். இதை அடுத்து, பிரக்ஞானந்தா மற்றும் ஜெர்மனி வீரர் வேலண்டின் பக்கெல்ஸ் இடையே 11வது மற்றும் கடைசி சுற்று ஆட்டம் நடந்தது. இந்த போட்டியில் பிரக்ஞானந்தா 9 புள்ளிகளுடன் வெற்றி பெற்று தங்க பதக்கம் வென்றார்.