சென்னை:
செப்டம்பர் 1ஆம் தேதி முதல் பள்ளி, கல்லூரிகள் திறக்கப்பட உள்ள நிலையில் முதல்வர் ஸ்டாலின் ஆலோசனை நடத்தினார்.
கொரோனா பொதுமுடக்கத்தையடுத்து, செப்டம்பர் 1ஆம் தேதி முதல் பள்ளிகள் மற்றும் கல்லூரிகள் திறக்கப்படுகின்றன. முதல்கட்டமாக 9 முதல் 12ஆம் வகுப்பு வரை திறக்க உத்தரவிடப்பட்டுள்ளது. மேலும், செப் டம்பர் 15ஆம் தேதிக்குப் பின் பிற வகுப்புகளுக்கு பள்ளி தொடங்குவது குறித்து அறிவிக்கப்படவுள்ளது.இந்நிலையில், பள்ளிகள் மற்றும் கல்லூரிகள் திறக்கப்பட உள்ள நிலையில் பாதுகாப்பு மற்றும் முன்னெச்சரிக்கை நடவடிக்கைகள் குறித்து சென்னை தலைமைச் செயலகத்தில் சுகாதாரத்துறை மற்றும் கல்வித்துறை அதிகாரிகளுடன் முதல்வர் ஸ்டாலின் ஆலோசனை நடத்தினார்.