கஞ்சா கடத்திய கல்லூரி மாணவர்கள் கைது

சென்னை, நவ. 4 முகப்பேர் மேற்கு பகுதியில் சிலர் காரில் கஞ்சா வைத்திருப்பதாக போலீசாருக்கு தகவல் கிடைத்தது. இதையடுத்து, நொளம்பூர் போலீசார் அங்கு சென்று காரை மடக்கினார்கள். காரில் இருந்தவர்களிடம் விசாரணை நடத்தினர்.  அப்போது அதில் இருந்த 4 வாலி பர்கள் முன்னுக்கு பின் முரணாக பதில் சொன்னார்கள். எனவே சந்தேகம் அடைந்த போலீசார் அந்த காரை சோதனை செய்தனர். இதில், அந்த காரில் இருந்த 3 கிலோ கஞ்சா சிக்கியது. அதை போலீ சார் பறிமுதல் செய்தனர். காரில் கஞ்சா  வைத்திருந்த 4 பேரையும் போலீசார் அழைத்துச் சென்று விசாரணை செய்தனர். அப்போது, அவர்கள் கல்லூரி மாணவர்கள் என்பது தெரிய வந்தது. அவர்களில் அப்துல்ரசாக், முகமது சித்திக், சதீஷ்குமார் ஆகியோர் என்ஜினீயரிங் கல்லூரி மாணவர்கள், முகமது அன்சாரி என்பவர் டிப்ளமோ மாணவர். 4 பேரையும் போலீசார் கைது செய்தனர்.