சென்னையில் கனமழை காரணமாக 13 விமானங்கள் மற்றும் 8 ரயில்கள் ரத்து செய்யப்பட்டுள்ளது.
சென்னையில் கனமழை காரணமாக சென்னை விமான நிலையத்தில் மொத்தம் 13 விமானங்கள் ரத்து செய்யப்பட்டுள்ளன. மஸ்கட், புவனேஸ்வர், விசாகப்பட்டினம் உள்ளிட்ட இடங்களில் இருந்து வரவிருந்த விமானங்கள் மற்றும் சிங்கப்பூர், கோவை, தில்லி, கொச்சி உள்ளிட்ட இடங்களுக்கு செல்லவிருந்த விமானங்களும் ரத்து செய்யப்பட்டுள்ளன.
அதேபோல், கனமழை காரணமாக சென்னை பேசின் பாலம் மற்றும் வியாசர்பாடி இடையே தண்டவாளத்தில் மழைநீர் தேங்கியுள்ளதால், செண்ட்ரல் - ஜோலார்பேட்டை ஏலகிரி விரைவு ரயில், திருப்பதி - சென்னை செண்ட்ரல் விரைவு ரயில் உள்ளிட்ட 8 ரயில்கள் ரத்து செய்யப்பட்டுள்ளன.
