போலந்து நாட்டில் நடந்த குத்துச்சண்டை போட்டியில் கௌரவ் சொலாங்கி, மணிஷ் கௌசிக் ஆகியோருக்கு தங்கம்

போலந்தில் நடந்த சர்வதேச குத்துச்சண்டை போட்டியில் இந்திய குத்துச்சண்டை வீரர் கௌரவ் சொலாங்கி மற்றும் மணிஷ் கௌசிக் ஆகியோர் தங்கம் வென்றனர்.

பெலிகிஸ் ஸ்டாமன் சர்வதேச குத்துச்சண்டை போட்டி தொடர்(XXXVI Feliks Stamm International Boxing Tournament) போலந்து நாட்டின் தலைநகர் வார்சாவில் நடைபெற்றன. இன்று நடைபெற்ற 52 கிலோ எடைப்பிரிவின் இறுதிப்போட்டியில் இந்திய வீரர் கௌரவ் சொலாங்கி இங்கிலாந்து வீரர் வில்லியம் காலேவை 5-0 என்ற கணக்கில் வெற்றி கொண்டார். மேலும், 60 கிலோ எடைப்பிரிவில் இந்திய வீரர் மணீஷ் கௌசிக் 4-1 என்ற கணக்கில் மொராகோ வீரர் முகமது ஹாமௌட்டை தோற்கடித்து தங்கப்பதக்கத்தை வென்றார்.

இந்த தொடரில் இந்தியாவிற்கு 2 தங்கப்பதக்கங்கள், 1 வெள்ளி மற்றும் 3 வெண்கலப்பதக்கங்கள் கிடைத்துள்ளன.