திங்கள், செப்டம்பர் 27, 2021

tamilnadu

img

டி.என்.பி.எஸ்.சி தேர்வு அட்டவணை வெளியீடு

2021 ஆம் ஆண்டுக்கான தேர்வுகள் அட்டவணையை தமிழ்நாடு அரசு பணியாளர் தேர்வாணையம் வெளியிட்டுள்ளது.
அரசு துறைகளில், பல்வேறு பணிகளுக்கான போட்டித் தேர்வுகள், தமிழக அரசு பணியாளர் தேர்வாணையத்தால் நடத்தப்படுகின்றன. இந்நிலையில் 2021ஆம் ஆண்டுக்கான தேர்வு அட்டவணை வெளியிடப்பட்டுள்ளது.
அதன்படி, குரூப் 1 தேர்வு ஜனவரி 3ஆம் தேதி நடைபெறும் என்று  தமிழ்நாடு அரசு பணியாளர் தேர்வாணையம் தெரிவித்துள்ளது. தொழில் மற்றும் வர்த்தக உதவி இயக்குநர் பணிக்கான தேர்வு ஜனவரி 9 மற்றும் 10ஆம் தேதி நடைபெறும் என்றும், சிறு, குறு மற்றும் நடுத்தர தொழில்துறையில் (ரசாயனப் பிரிவு) உதவி கண்காணிப்பாளர் பணிக்கு ஜனவரி 9 மற்றும் 10ஆம் தேதி தேர்வு நடைபெறும் எனவும் தெரிவிக்கப்பட்டுள்ளது.
மேலும், குரூப் 2 மற்றும் குரூப் 2A, தேர்வுக்கான அறிவிக்கை மே மாதமும், குரூப் 4 மற்றும் வி.ஏ.ஓ. தேர்வுக்கான அறிவிக்கை செப்டம்பர் மாதம் வெளியிடப்படும் என்றும் தெரிவித்துள்ளது.

;