சென்னை, நவ. 20 - தமிழ்நாடு சட்டப்பேரவைக்கூட்டம் டிசம் பர் 2 ஆவது வாரத்தில் நடைபெறலாம் என தகவல்கள் வெளியாகி உள்ளன. தமிழக சட்டப்பேரவைக் கூட்டத் தொடா் நிதிநிலை மானியக் கோரிக்கை களுக்காக ஜூன் 20 முதல் 29 ஆம் தேதி வரை நடைபெற்றது. இதில், பல்வேறு கட்சி சட்டப்பேரவை உறுப்பினா்களின் விவாதம் நடைபெற்று முடிந்து, துறை சார்ந்த அமைச்சா்களும் பதில் அளித்து உரையாற்றினா். பின்னர் தேதி குறிப்பிடாமல் பேரவை ஒத்திவைக்கப் பட்டது. பேரவை விதிகளின்படி பேரவை யின் ஒரு கூட்டம் முடிந்தால், அடுத்த 6 மாதங்களுக்குள் அடுத்த கூட்டம் நடத்தப் பட வேண்டும். அந்த வகையில், வரும் டிசம்பர் இறுதிக்குள் பேரவை கூட்டம் நடத்தப்பட வேண்டும். அதன்படி டிசம்பர் 9, 10 தேதிகளில் பேரவைக் கூட்டம் நடைபெறலாம் என தகவல்கள் தெரிவிக்கின்றன. ஆஸ்திரேலியாவின் சிட்னி நகரில் நடைபெற்ற 67-ஆவது காமன் வெல்த் மாநாட்டில் பங்கேற்றுவிட்டு தமிழகம் திரும்பியுள்ள சட்டப்பேரவைத் தலைவர் மு. அப்பாவு, இரண்டொரு நாட்களில் முதல்வருடன் ஆலோசித்துவிட்டு பேரவைக் கூட்டத்துக்கான தேதியை அதிகாரப்பூர்வமாக வெளியிடுவார் என தலைமைச் செயலக வட்டார தகவல்கள் தெரிவிக்கின்றன.
ஊடக உலகில் உண்மையின் பேரொளி