“ஊனம் என்பது ஒரு குறையல்ல, அது மற்றொரு திறன்”
திருவனந்தபுரம் : ஊனம் என்பது ஒரு குறையல்ல, அது வேறு ஒரு திறன் என்று கேரள முதலமைச்சர் பினராயி விஜயன் கூறினார். கேரள மாநிலம் திருவனந்தபுரம் தாகூர் தியேட்டரில் சமூக நீதித்துறை ஏற்பாடு செய்த சிறப்பு கார்னிவல் ஆப் டிபரெண்டின் நிறைவு விழாவை அவர் தொடங்கி வைத்து பேசினார். அவர் மேலும் பேசுகையில், “மாற்றுத்திறனாளிகளுக்கு உகந்த கேரளா என்ற இலக்கை நோக்கிய பயணத்தில் இந்த திருவிழா ஒரு புதிய படி ஆகும். நாட்டில் சமத்துவ உணர்வு இருப்பதால், மாற்றுத்திறனாளி நலனில் இருந்து மாற்றுத்திறனாளி உரிமைகள் வரை நாம் ஒரு அடி முன்னெடுத்து வைத்துள்ளோம். ‘சவிஷேஷா’ என்பது மாற்றுத்திறனாளி சமூகத்தால் செய்ய முடியாதது எதுவும் இல்லை என்பதை அவர்கள் உறுதியாக அறிவித்துள்ளனர். மாற்றுத்திறனாளி குழந்தைகளை தங்கள் வீடுகளுக்குள் அடைத்து வைக்கப்படக்கூடாது. உலகம் அவர்களுக்குச் சொந்தமானது என்பதை பெற்றோர்களும் ஆசிரியர்களும் நம்ப வேண்டும்” என அவர் கூறினார். இந்த திருவிழாவின் ஒரு பகுதியாக நடைபெற்ற இலக்கியப் போட்டியில் வெற்றி பெற்றவர்களுக்கு விருதுகளையும், விளையாட்டுப் போட்டியில் வெற்றி பெற்றவர்களுக்கு கோப்பைகளையும் அமைச்சர் வழங்கினார்.