சென்னை,ஜூன் 7- போராட்டம் நடத்தும் செவிலியர்களுடன் பேச்சு வார்த்தை நடத்த தயார் என்று மருத்துவத் துறை அமைச்சர் மா.சுப்பிரமணியன் தெரிவித்துள்ளார். மருத்துவத் தேர்வு வாரியத்தின் தேர்வில் தேர்ச்சி பெற்று 2015 ஆம் ஆண்டிலிருந்து 12,000-க்கும் மேற்பட்ட செவிலியர்கள் தொகுப்பூதியத்தில் பணியாற்றி வருகின்றனர். இவர்கள் தங்களை பணி நிரந்தரம் செய்யக் கோரி சென்னை ஓமந்தூரார் அரசினர் தோட்ட வளாகத்திலுள்ள கருணாநிதி சிலை அருகே 300-க்கும் மேற்பட்டோர் திடீரென சாலை மறியலில் ஈடுபட்டனர். அவர்களை காவல் துறையினர் வலுக்கட்டாயமாக கைது செய்தனர். இந்தப் போராட்டம் தொடர்பாக செய்தியாளர்களுக்கு பேட்டி அளித்த மருத்துவத் துறை அமைச்சர் மா.சுப்பிர மணியன், “எம்ஆர்பி செவிலியர்கள் போராட்டம் நடத்துவது தவறல்ல. பணி நிரந்தரம் செய்வது குறித்து தொடர்ந்து அரசு நடவடிக்கை எடுத்து வருகிறது. அதற்கான வழிமுறைகளை சுகாதாரத் துறை தொடர்ந்து பரிசீலித்து வருகிறது. தேவைப் பட்டால் பேச்சுவார்த்தை நடத்தக் கூட சுகாதாரத்துறை தயா ராக உள்ளது என்றும் பத்தாண்டு காலம் பொறுத்திருந்த செவிலியர்கள் மேலும் சில காலம் பொறுத்திருக்க வேண்டும் என்றும் கேட்டுக்கொண்டார்.
ஊடக உலகில் உண்மையின் பேரொளி