மேற்கு ஆப்ரிக்காவில் மரபணு மாற்றப்பட்ட ஃபங்கஸ் மூலம் 99 சதவீத மலேரியா கொசுக்கள் ஒழிக்கப்பட்டுள்ளதாக ஆய்வில் தெரியவந்துள்ளது.

புர்கினா ஃபேசோ மற்றும் மேரிலாண்ட் பல்கலைக்கழகத்தின் ஆய்வாளர்கள், ஆண்டுக்கு 400,000 மக்களை கொல்லும் மலேரியா கொசுக்களை ஒழிக்கும் ஆய்வை மேற்கொண்டனர். அனொபிலஸ் கொசுக்களில், இயற்கையாகவே  மலேரியா கிருமிகள் உருவாகும் நிலை உள்ளது. இந்நிலையில், மேற்கு ஆப்ரிக்கா பகுதியில் உள்ள ஒரு கிராமத்தில், இந்த வகை கொசுக்களை மரபணு மாற்றப்பட்ட மெட்டரிசம் பிங்ஷென்ஸ் என்ற ஃபங்கஸ்யை விரிப்புகளில் செலுத்தி வீடுகளில் தொங்கவிடப்பட்டன. இந்த முயற்சியில் 45 நாட்களுக்குள் 99 சதவீதம் மலேரியா கொசுக்களை ஒழிக்கப்பட்டன. 

இது குறித்து மூத்த ஆய்வாளர் பிரையன் லொவெட் கூறுகையில், ”மலேரியா நோயை கட்டுப்படுத்த இதுவரை யாரும் வீதிக்கு வந்து சோதனை மேற்கொள்ளவில்லை. இந்த மரபணு மாற்றப்பட்ட ஃபங்கஸ், கொசுக்களில் தோள் வாயிலாக நுழைந்து அவற்றை ஒழிக்கும். இதனால் மற்ற பூச்சிகளுக்கு பாதிப்பு இல்லை” என்று தெரிவித்தார்.