ஆடவர் மல்யுத்தம் 65 கிலோ பிரிவு வெண்கலப் பதக்கத்திற்கான ஆட்டத்தில் இந்தியாவின் நட்சத்திர வீரர் பஜ்ரங் புனியா, கஜகஸ்தானின் நியாஜ் தவுலத்தை எதிர்கொண்டார். தொடக்கம் முதலே ஆதிக்கம் செலுத்திய பஜ்ரங் புனியா முதல் பாதியில் 2-0 என்ற கணக்கில் முன்னிலையில் இருந்தார். 2-வது பாதியிலும் தாக்குதல் பாணி ஆட்டத்தை கையிலெடுத்த பஜ்ரங் புனியா 6-0 என்ற கணக்கில் புள்ளிகளை குவித்து, மொத்தமாக 8 புள்ளிகளை குவித்தார். இறுதியில் பஜ்ரங் புனியா 8-0 என்ற புள்ளிக்கணக்கில் கஜகஸ்தான் வீரரை வீழ்த்தி வெண்கலம் வென்றார்.