2022 ஆம் ஆண்டுக்கான விம்பிள்டன் டென்னிஸ் போட்டி பரிசுத்தொகை அதிகரிக்கப்பட்டுள்ளதாக ஆல்-இங்கிலாந்து லான் டென்னிஸ் கிளப் அறிவித்துள்ளது.
கிராண்ட்ஸ்லாம் போட்டியான விம்பிள்டன் டென்னிஸ் போட்டி வருகிற 27 ஆம் தேதி முதல் ஜூலை 10 ஆம் தேதி வரை நடைபெற உள்ளது.
இந்நிலையில், இந்த ஆண்டுக்கான விம்பிள்டன் டென்னிஸ் பரிசுத்தொகை அறிவிக்கப்பட்டுள்ளது.
அதில் கடந்த ஆண்டை விட 11.1 சதவீதம் பரிசுத்தொகை அதிகரிக்கப்பட்டுள்ளது. மொத்த பரிசுத்தொகை ரூ. 392 கோடி ஆகும். ஆண், பெண் ஒற்றையர் பிரிவில் சாம்பியன் பட்டம் வெல்பவர்களுக்கு தலா ரூ. 19 கோடி வழங்கப்படுகிறது. ஒற்றையர் பிரிவு இறுதிப் போட்டியில் தோற்பவர்கள் ரூ.9.5 கோடி பெறுவார்கள் எனவும் அறிவிக்கப்பட்டுள்ளது.