துபாய், ஜன.13- தமிழ் நடிகர் அஜித் குமார் சினிமாவுக்கு அடுத்தபடியாக கார் பந்தயத்தில் அதிக ஆர்வம் கொண்டவர். 2003, 2004 ஆகிய ஆண்டுகளில் நடைபெற்ற சர்வதேச கார் பந்தயங்களில் நடிகர் அஜித் கலந்து கொண்டார். அதே போல 2010ஆம் ஆண்டு நடந்த “எப்ஐஏ பார்முலா 2” ஐரோப்பியன் சாம்பியன்ஷிப் போட்டியிலும் பங்கேற்றார். ஆனால் 15 ஆண்டு களாக படங்களில் நடித்து வந்ததால் அவரால் கார் பந்தயங்களில் கலந்து கொள்ள முடியவில்லை. இந்நிலையில், துபாயில் நடைபெற்ற “24 எச்” எனப்படும் 24 மணி நேர கார் பந்தயத்தில் கலந்து கொண்டார். இந்த பந்தயத்தில் 3 ரேஸர்கள் (இருவர் வெளிநாட்டைச் சேர்ந்தவர்கள்) அஜித்தின் காரில் இருந்தனர். இவர்களில் கார் ரேஸின் கேப்டன் அஜித் குமார். எனவே அவர்தான் அதிக நேரம் (14 முதல் 18 மணி நேரம்) வரை காரை ஓட்டினார். ஆட்டநேர முடிவில் அஜித் குமாரின் அணி 3ஆவது இடத்தை பிடித்தது. எல்லாவற்றுக்கும் மேல் அஜித் அணிந்திருந்த கார் பந்தயத்திற்கான பிரத்யேக உடையில் தமிழ்நாடு விளை யாட்டு மேம்பாட்டு ஆணையத்தின்லோ கோவை (இலச்சினை) பொறித்திருந்தார். அந்த லோகோவையும் காட்டியபடியே அவர் துபாய் பந்தய பகுதியில் வலம் வந்தார் என்பது குறிப்பிடத்தக்கது.
