புதுதில்லி,ஜூன்8- ஒரே நேரத்தில் இருவேறு படிப்புகளை படிக்க இயலும் என யுஜிசி அறிவிப்பு ஒன்றை வெளியிட்டுள்ளது.
மாணவர்கள் ஒரே நேரத்தில் இருவேறு பட்டயபடிப்பு மற்றும் மற்ற படிப்புகளை உயர்கல்வி நிலையங்களில் படிப்பது குறித்த வழிகாட்டு நெறிமுறைகளை யுஜிசி வெளியிட்டுள்ளது.
- யுஜிசி அங்கீகாரம் பெற்ற உயர்கல்வி நிறுவனங்கள் மட்டுமே ஒரே நேரத்தில் இருவேறு படிப்புகளை பயிற்றுவிக்க முடியும்.
- ஒரு மாணவர் ஒரே நேரத்தில் இருவேறு பட்டம், பட்டயப்படிப்புகளை நேரடியாக படிக்க முடியும்.
- இருவேறு படிப்பு வகுப்புகளும் ஒரே நேரத்தில் இல்லாதபடி, பல்கலைக்கழகங்கள் பார்த்துகொள்ள வேண்டும்.
- ஒரு படிப்பை நேரடியாகவும் மற்றொரு படிப்பை தொலைநிலைக் கல்வி அல்லது ஆன்லைன் மூலமும் படிக்கலாம்.
- பி.எச்டி. தவிர்த்து பிற படிப்புகளுக்கு புதிய வழிகாட்டுதல்கள் பொருந்தும் என யுஜிசி நாடு முழுவதும் உள்ள பல்கலைக்கழகங்களின் துணைவேந்தார்களுக்கு சுற்றறிக்கை அனுப்பியுள்ளது.