சென்னை, செப்.1 கிண்டி மேம்பாலம் அருகே ஜிஎஸ்டி சாலையில் வியாழக்கிழமை முதல் ஞாயிற்றுக்கிழமை வரை போக்குவரத்து மாற்றம் செய்யப்பட்டுள்ளதாக பெருநகர சென்னை பெருநகர காவல்துறை அறிவித்துள்ளது. 4 நாட்களிலும் இரவு 11 மணி முதல் காலை 5 மணி வரை மாற்றுப்பாதை அமலில் இருக்கும். இது குறித்து சென்னை பெருநகர சென்னை காவல்துறை வெளியிட்டுள்ள செய்திக் குறிப்பில் கிண்டி ஜி.எஸ்.டி. சாலையில் உள்ள ‘ஹோட்டல் ஹப்லிஸ்’ அருகே பரங்கிமலை நோக்கி வெளிச்செல்லும் சாலையில் நெடுஞ்சாலை துறையினரால் நிரந்தர மழைநீர் வடிகால் அமைக் கும் பணி செப்டம்பர் 1-ஆம் தேதியும், 2-ஆம் தேதியும் நடைபெறுகிறது. இதேபோல தமிழ்நாடு மின்சார வாரியம் சார்பாக மின்சார கேபிள் அமைக்கும் பணி செப்டம்பர் 3-ஆம் தேதியும்,4-ஆம் தேதியும் அங்கு நடைபெறுகிறது. இந்த 4 நாள்களிலும் அன்றைய தினம் இரவு 11மணி முதல் அதிகாலை 5 மணி வரை அந்தப் பகுதியில் போக்குவரத்து மாற்றம் செய்யப்படுகிறது. இதன் படி, அண்ணா சாலையி லிருந்து பரங்கிமலை நோக்கி செல்லும் வணிக,கனரக வாகனங்கள் கிண்டி மேம்பாலத்திலிருந்து (கிண்டி போகும் வழி செல்லாமல்) இடதுபுறமாக உள்ள எம்ஆர்சி சாலையில் திருப்பிவிடப்படும். இந்த வாகனங்கள் எம்ஆர்சி சாலை வழியாக சென்று, மடுவண்கரை மேம்பாலம் அருகே உள்ள சர்வீஸ் சாலை வழியாக சிட்டி லிங்க் சாலை சென்று ஆதம் பாக்கம் பேருந்து பணி மனை, பரங்கிமலை ரயில் நிலையம், மேடவாக்கம் பிரதான சாலையில் வலது புறமாக திரும்பி, எம்ஆர். டிஎஸ் சாலை, தில்லை கங்கா நகர் சுரங்கப்பாதை, சிமெண்ட் சாலை சந்திப்பு சென்று ஜிஎஸ்டி சாலையை அடையலாம். அதேவேளையில், அனைத்து அவசரகால வாகனங்கள், ஆம்புலன்ஸ், விமான நிலையம் செல்லும் வாகனங்கள் எவ்வித தடை யும் இல்லாமல் வழக்கம் போல் செல்லலாம். இவ்வாறு அதில் தெரிவிக் கப்பட்டுள்ளது.
ஊடக உலகில் உண்மையின் பேரொளி