சென்னை,ஜூலை 13-
மாநகராட்சி மேயர்களுக்கு மாதந்தோறும் ரூபாய் 30,000, துணை மேயர்களுக்கு ரூபாய் 15,000 மற்றும் மாநகராட்சி மன்ற உறுப்பினர்களுக்கு ரூபாய் 10,000 மதிப்பூதியம் வழங்கப்படும். இதே போன்று, நகராட்சி மன்றத் தலை வர்களுக்கு ரூபாய் 15,000, துணைத் தலைவர்களுக்கு ரூபாய் 10,000 மற்றும் நகர் மன்ற உறுப்பினர்களுக்கு ரூபாய் 5,000 மதிப்பூதியம் வழங்க முதல்வர் மு.க.ஸ்டாலின் உத்தரவிட்டுள்ளார்.
இது தொடர்பாக நகராட்சி நிருவாகம் மற்றும் குடிநீர் வழங்கல் துறையின் முதன்மைச் செயலாளர் வெளியிட்டுள்ள செய்திக் குறிப்பு வருமாறு:-
மாநகராட்சி மேயர்கள், துணை மேயர்கள், நகராட்சிகள் மற்றும் பேரூராட்சிகள் தலைவர்கள், துணைத் தலைவர்கள் மற்றும் மன்ற உறுப்பினர்கள், தாங்கள் முழுநேர மக்கள் பணியில் ஈடுபட்டுள்ளதால், தங்களுக்கு மாதந்தோறும் மதிப்பூதியம் வழங்க வேண்டும் என 13.4.2022 அன்று தமிழக முதல்வரிடம் கோரிக்கை வைத்தனர்.
தமிழ்நாடு முதல்வர், இக்கோரிக்கையை பரிசீலித்து, மாநகராட்சிகளின் தேர்ந்தெடுக்கப் பட்ட மேயர், துணை மேயர், நகர்மன்றத் தலைவர், துணை தலை வர், பேரூராட்சி மன்றத் தலைவர், துணைத் தலைவர் மற்றும் மன்ற உறுப்பினர்களின் மக்கள் நலப் பணிகளை சிறப்பிக்கும் மற்றும் ஊக்குவிக்கும் வகையில், அவர்களுக்கு மாதந் தோறும் மதிப்பூதியம் வழங்குவதற்காக ஆணையிட்டுள்ளார்.
அதன்படி, மாநகராட்சி மேயர் களுக்கு, மாதம் தோறும், ரூபாய் 30,000, துணை மேயர் களுக்கு ரூபாய் 15,000 மற்றும் மாநகராட்சி மன்ற உறுப்பினர்களுக்கு ரூபாய் 10,000 மதிப்பூதியம் வழங்கப்படும். அதே போன்று, நகராட்சி மன்றத் தலைவர்களுக்கு ரூபாய் 15,000, துணைத் தலைவர் களுக்கு ரூபாய் 10,000 மற்றும் நகர் மன்ற உறுப்பினர்களுக்கு ரூபாய் 5,000 மதிப்பூதியம் வழங்கப்படும்.
மேலும், பேரூராட்சி தலை வர்களுக்கான ரூபாய் 10,000, பேரூ ராட்சி துணைத் தலைவர் களுக்கு ரூபாய் 5,000 மற்றும் பேரூராட்சி மன்ற உறுப்பினர்களுக்கு ரூபாய் 2,500 மதிப்பூதியம் வழங்கப்படும். இந்த மதிப்பூதியம், இம்மாதம், அதாவது, 2023 ஆம் ஆண்டு ஜூலை மாதம் முதல் வழங்கப்படும்.
இந்நடவடிக்கை, நகர்ப்புற உள்ளாட்சி அமைப்புகளின் நிர்வாக திறனை வலுப்படுத்துவதற்கு அரசு மேற்கொண்டு வரும் பல்வேறு நடவடிக்கைகளில் ஒரு முக்கிய மைல் கல்லாக அமைந்துள்ளது என்று அதில் தெரி விக்கப்பட்டுள்ளது.