பேச்சு வழக்கில் வெளிப்படும் தொடர்கள்
மக்கள் மனங்களில் மலரும் மலர்கள்
வீச்சாய் வலம்வரும் அவைதாம் பழமொழி
சொலவடை என்றும் அழைக்கும் நல்மொழி

பள்ளியில் படிக்காத பாமர மக்களும்
பேசும் மொழியில் இயல்பாய் வருவன
துள்ளிவரும் நீராய் மனப்பயிர் பாய்வன
கேட்பதற் கினியவை மனதில் பதிவன

பழமொழி சொலவடை எல்லாம் ஒன்றே
இளையோர் முதியோர் ஆடவர் பெண்டிர்
பேசுமொழி வேற்றுமை இலாது பரவிடும்
சிறுகதை இலக்கியந் தன்னிலும் வேர்விடும்

- பெரணமல்லூர் சேகரன்