சிபிஐ(எம்) அகில இந்திய மாநாட்டுத் தீர்மானங்கள்

சிபிஐ(எம்) அகில இந்திய மாநாட்டுத் தீர்மானங்கள்

நியாயமான மற்றும் சமத்துவமான தொகுதி மறுவரையறையை உறுதி செய்க!

இந்திய கம்யூனிஸ்ட் கட்சி (மார்க்சிஸ்ட்)யின் 24ஆவது மாநாடு, நாடாளுமன்றத்தில் எந்த வொரு மாநிலத்தின் விகிதாச்சார பிரதி நிதித்துவ பங்கை வெட்டுகிற அல்லது குறைக்கிற எந்தவொரு தொகுதி மறு வரையறை செயல்முறையையும் உறுதி யாக எதிர்க்கிறது. இந்த மாநாடு, இந்த முக்கியமான விஷயத்தில் பரந்த ஒருமித்த கருத்தை உருவாக்க அரசியல் கட்சிகள் மற்றும் மாநில அரசுகளுடன் விரிவான ஆலோசனைகளில் ஈடுபட ஒன்றிய அரசை வலியுறுத்துகிறது.

பின்னணி '

நாடாளுமன்றம் மற்றும் சட்டசபை களில் உள்ள இடங்களின் எண்ணிக்கை  அடுத்த ஆண்டு காலாவதி ஆக இருப்ப தால், 2026க்குப் பிறகு நடத்தப்படும்  முதல் மக்கள்தொகை கணக்கெடுப்பைத் தொடர்ந்து புதிய எல்லை வரையறை சுற்று  தேவைப்படும். 1976இல் நெருக்கடி நிலையின் போதுஇயற்றப்பட்ட 42ஆவது  அரசியலமைப்பு திருத்தம், மக்கள்தொகை  கட்டுப்பாட்டு நடவடிக்கைகளை ஊக்குவிக்க ஆரம்பத்தில் இட ஒதுக்கீடுகளை முடக்கி யது. இந்த முடக்கம் பின்னர் வாஜ்பாய்  அரசால் 2026 வரை நீட்டிக்கப்பட்டது.

வரலாற்றுப் பின்னணி

வரலாற்று ரீதியாக, தொகுதி எல்லை  வரையறை செயல்பாடுகள் 1952,  1963 மற்றும் 1973 ஆகிய ஆண்டுகளில் நடத்தப்பட்டன. இருப்பினும், 1976 முடக் கத்தைத் தொடர்ந்து, மக்கள் தொகை  அடிப்படையிலான மறுவரையறை தொடர் பான கவலைகளைத் தீர்க்க அடுத்தடுத்த சரிசெய்தல்கள் ஒத்தி வைக்கப்பட்டன. 2001 மக்கள்தொகை கணக்கெடுப்பு இருந்த போதிலும், தங்களது பிரதிநிதித்துவத்தில் நியாயமற்ற குறைப்பு நேர்ந்துவிடும்  என அஞ்சிய தென் மாநிலங்களின் வலு வான எதிர்ப்பின் காரணமாக முடக்கம் தொடர்ந்தது.

தற்போதைய சூழல் மற்றும் கவலைகள்

தொகுதிகள் எண்ணிக்கை காலா வதியாக இருப்பதால், புதிய எல்லை  வரையறை செயல்முறை அரசியல்  பிரதிநிதித்துவத்தை கணிசமாக மாற்றிய மைக்கும், கர்நாடகா, தமிழ்நாடு, ஆந்திரப்  பிரதேசம், தெலுங்கானா, கேரளா, ஒடிசா,  மேற்கு வங்காளம், பஞ்சாப், இமாச்சலப் பிரதேசம் மற்றும் உத்தரகண்ட் போன்ற  மாநிலங்களை விகிதாச்சாரமற்ற முறையில் பாதிக்கும். மக்கள்தொகை கட்டுப்பாட்டு நட வடிக்கைகளை வெற்றிகரமாக செயல் படுத்திய இந்த மாநிலங்கள் பலவும், பிரதிநிதித்துவத்தை இழக்கும் அபாயம் உள்ளது; அதே சமயம் அதிக மக்கள் தொகை வளர்ச்சி விகிதம் கொண்ட மாநிலங்கள் அநியாயமான நன்மை யைப் பெறலாம். மொத்த இடங்களின்  எண்ணிக்கை அதிகரித்தாலும் கூட, முற்றிலும் மக்கள்தொகை அடிப்ப டையிலான அணுகுமுறை உத்தரப் பிரதே சம் போன்ற மாநிலங்களுக்கு ஆதரவாக விகிதாச்சாரமற்ற ஒதுக்கீடுகளில் முடியும்.

மாநாடு வலியுறுத்தல்

சிபிஐ(எம்) 24ஆவது மாநாடு தேசிய ஒற்றுமை மற்றும் ஒருமைப்பாட்டை பரா மரிக்கும் அதே வேளையில் அனைத்து மாநிலங்களின் உரிமைகளையும் மதிக்கும்  சமத்துவமான மற்றும் நியாயமான கூட்டாட்சிக் கட்டமைப்பிற்கு உறுதிப்பாடு கொண்டுள்ளது; எனவே பின்வருமாறு வலி யுறுத்துகிறது: எந்தவொரு தொகுதி  எல்லை வரையறை கட்டமைப்பும் எந்த வொரு குறிப்பிட்ட பிராந்தியம் அல்லது  மாநிலத்திற்கு விகிதாச்சாரமற்ற நன்மை யைத் தடுக்க வேண்டும்; மேலும் மக்கள் தொகை வளர்ச்சியை வெற்றிகரமாக கட்டுப் படுத்திய மாநிலங்களின் நலன்கள் பாது காக்கப்பட வேண்டும். தற்போதுள்ள விகிதாச்சார இருக்கை விநியோகத்தை மாநிலங்களுக் கிடையே பராமரிக்கும் அதே வேளை யில் நாடாளுமன்ற பிரதிநிதித்துவத்தை விரிவுபடுத்த விகிதாச்சார இருக்கை  அதிகரிப்பு ஏற்றுக்கொள்ளப்பட வேண்டும், இது நியாயமான மற்றும் சமநிலையான பிரதிநிதித்துவத்தை உறுதி செய்கிறது. தற்போது பல்வேறு மாநிலங் களில் உள்ள எஸ்சி/எஸ்டி இடங்களின் விகிதம் பாதுகாக்கப்பட வேண்டும். எல்லை வரையறை செயல்முறை  சமத்துவம், கூட்டாட்சி, மதச்சார்பின்மை மற்றும் தேசிய ஒற்றுமை ஆகிய கொள் கைகளை நிலைநிறுத்துவதை உறுதி செய்ய இந்திய அரசு அனைத்து மாநிலங் களுடனும் விரிவான ஆலோசனைகளை நடத்த வேண்டும். எல்லை வரையறை செயல்முறை யில் பரந்த ஒருமித்த கருத்து இல்லாத நிலையில், கூட்டாட்சி ஒருமைப்பாட்டைப் பாதுகாக்க இருக்கை ஒதுக்கீட்டில் உள்ள முடக்கம் மேலும் நீட்டிக்கப்பட வேண்டும்.