கொள்ளை லாபம் சம்பாதிக்கும் நோக்கத்தில் போர் நெருக்கடியை உருவாக்கி சுமையைப் பிற நாடுகள் மீது சுமத்தும் நேட்டோ ராணு வக் கூட்டணி வேண்டாம் என்ற கருத்து ஐரோப்பிய நாடுகளில் உள்ள மக்கள் மத்தியில் அதிகரித்துள்ளது. உக்ரைன் நெருக்கடியில், போரை முடிவுக்குக் கொண்டு வரும் எந்தவித நடவடிக்கையும் எடுக்கா மல், ரஷ்யா மீது தடைகளை அமெரிக்கா விதித்தது. அந்தத் தடை கள் அமெரிக்காவுக்கு எந்தவிதப் பாதிப்பையும் ஏற்படுத்தவில்லை. அந்தத் தடைகளை அப்படியே ஐரோப்பிய நாடுகளும் விதித்தன. ஆனால், இந்த நாடுகள் கடுமை யாகப் பாதிக்கப்பட்டுள்ளன. பொரு ளாதார நெருக்கடியை உருவாக்கிய அமெரிக்காவுடனான ராணுவக் கூட்டணி குறித்து பல ஐரோப்பிய நாடுகளில் கண்டனங்கள் எழுந்து வருகின்றன. நேட்டோ ராணுவக் கூட்டணி யில் இருபதுக்கும் மேற்பட்ட ஐரோப்பிய நாடுகள் உறுப்பினர் களாக சேரவில்லை. அட்லாண்டிக் கடற்பகுதி நாடுகள் என்பதைத் தாண்டி, ஐரோப்பியக் கண்டத்தின் மத்திய, கிழக்கு மற்றும் தெற்குப் பகுதி நாடுகளையும் இந்த ராணு வக் கூட்டணியில் இணைக்கும் முயற்சியில் அமெரிக்கா முனைந்துள் ளது.
புதிய உறுப்பினராக உக்ரை னை இணைக்கும் ஏற்பாடுகள் நடக்கின்றன என்ற செய்திதான் ரஷ்யாவை உசுப்பி விட்டது. அதன் விளைவு, ஒட்டுமொத்த ஐரோப்பிய நாடுகளுக்கு நெருக்கடி உருவாகி யுள்ளது. இந்த நெருக்கடியைப் பற்றி கவலைப்படாமல், பின்லாந்து மற்றும் ஸ்வீடன் ஆகிய நாடு களை உறுப்பினர்களாக ஆக்கும் வேலைகள் முடுக்கி விடப்பட்டுள் ளன. பின்லாந்துக்கு உறுப்பு நாடுகள் ஆதரவு தெரிவித்து விட்டன. ஸ்வீடனுக்கு துருக்கி எதிர்ப்பு தெரிவிக்கிறது. அனைத்து நாடு களும் ஏற்றுக் கொண்டால்தான் புதி தாக உறுப்பு நாடுகளை இணைக்க முடியும். இந்நிலையில் பல்வேறு நாடுகளில் எதிர்ப்பு கிளம்பியுள்ளது. உறுப்பினராக இல்லாத நாடுகளில் உள்ள மக்களும் நேட்டோவின் விரிவாக்கம், தங்கள் நாடுகளை ஆபத்தான நிலைக்குத் தள்ளுகிறது என்று கருத்து தெரிவித்துள்ளனர். ஏற்கனவே உறுப்பினராக உள்ள கிரீஸ் உள்ளிட்ட நாடுகளில் மக்கள் நேட்டோ எதிர்ப்பு ஆர்ப்பாட்டங் களை நடத்தியுள்ளார்கள். இன்னும் துருக்கி ஒப்புதல் அளிக் காததால் ஸ்வீடனால் இணைய முடியவில்லை. இந்நிலையில், ஸ்வீடன் நாட்டு மக்கள் கடும் எதிர்ப்பு தெரிவித்து வருகிறார்கள். அந்நாட் டின் 17 நகரங்களில் நடைபெற்ற கண்டனப் பேரணிகளில் ஆயிரக் கணக்கான மக்கள் பங்கேற்று எதிர்ப்பு முழக்கங்களை எழுப்பினா ர்கள். நாட்டின் பாரம்பரியமான வெளி நாட்டுக் கொள்கைப் பாதையில் இருந்து விலக வேண்டாம் என்று எழுதப்பட்ட பதாகைகளை ஏந்தியவாறு வலம் வந்தனர்.
பதற்றத்தைத் தூண்டாதீர் நேட்டோ ராணுவக் கூட்டணியில் ஸ்வீடன் சேர்வதற்கான வேலைகள் நடந்து கொண்டிருக்கும்போதே, பல நாட்கள் நடைபெறும் போர்ப் பயிற்சிக்கு ஏற்பாடு செய்துவிட்டார் கள். நேட்டோவில் உள்ள பல நாடுகளின் ராணுவவீரர்கள் ஸ்வீட னில் வந்து இறங்கிவிட்டார்கள். அரோரா 23 என்று பெயரிடப்பட்டு ள்ள இந்தப் பயிற்சியில் பல நாடு களைச் சேர்ந்த 26 ஆயிரம் ராணுவ வீரர்கள் பங்கேற்கவிருக்கிறார்கள். ஸ்வீடன் வரலாற்றில் இதுதான் இது வரையில் நடைபெற்ற ராணுவப் பயிற்சிகளிலேயே பெரிய பயிற்சி என்று கூறப்படுகிறது. ஸ்டாக்ஹோம் நகரின் மையப் பகுதியில் நடைபெற்ற போராட்டத் தில் பேசிய நெல்லி புய்க் என்ற ஒருங்கிணைப்பாளர், “நேட்டோ என்பது அமெரிக்காவின் போர் எந்தி ரம் என்பதைத் தவிர வேறொன்று மில்லை. இது பாதுகாப்புக்கான கூட் டணி என்று அவர்கள் சொல்வது உண்மையல்ல. அமெரிக்காவுக்கு குற்றேவல் பணியைச் செய்யக் கூடிய அமைப்புதான் இந்த நேட்டோ ராணுவக் கூட்டணி” என்று குற்றம் சாட்டினார். இதில் பேசிய கிறிஸ்டர் ஹோம். “ராணுவத்திற்கான ஒதுக்கீடு இரட்டிப்பாகி விடும். சுகா தாரத்திற்கும், கல்விக்குமான ஒதுக்கீட்டில் வெட்டு விழுந்து விடும்” என்றார். நேட்டோவில் இணைவதால், அணுஆயுதங்களை வைத்திருக்கும் கிடங்காக ஸ்வீடன் மாறும் ஆபத்து இருப்பதால் போராட்டங்கள் தீவிர மடையும் என்று பல்வேறு அமைப்பு கள் எச்சரித்துள்ளன.